Avropa İttifaqı (Aİ) ölkələrinin səfirləri Ukraynaya 18 milyard avro məbləğində maliyyə yardımı paketi, eləcə də iri şirkətlər üçün minimum 15% vergi haqqında razılığa gəliblər. Macarıstana, həmçinin Budapeştin 27 ilkin şərti yerinə yetirdiyi təqdirdə Aİ fondlarından 5,8 milyard avro istifadə etməyə icazə verildi.
Bu barədə Avropa İttifaqı Şurasına Çexiya sədrliyi öz "Twitter" səhifəsində bildirib.
"Aİ səfirləri Ukraynaya 18 milyard avroluq [maliyyə] yardım paketi, iri korporasiyalar üçün minimum 15% korporativ vergi, Macarıstanın bərpa və dayanıqlılıq planının təsdiqi və şərtlərlər barədə sazişlə bağlı razılığa gəliblər", - deyə qeyd olunub.