Dəyərli aydınımız - qiymətli yazarımız Bəradər Səməndərlinin yeni çapdan çıxmış kitabı,,Qaytar Məni Gəncliyimə" adlanır. 22 aprel tarixində Azərbaycan Yazıçılar Birliyinin ,,Natəvan" klubunda ziyalımızın bu kitabının təqdimatına yığışdıq. Yüksək səviyyəli bir məclis oldu. Söz xiridarları - söz adamları ilə yanaşı sözə dəyər verən,söz sevən oxucular da Bəradər Səməndərli ziyasına toplaşmışdılar.
Bir- birindən maraqlı çıxışlar, təbriklər dinlədik, xatirə fotoları çəkdirdik.
Bəradər müəllimin mükəmməl yazıçılığından, şairliyindən, jurnalistliyindən, bir sözlə aydınlığından - hanısı sahədə fəaliyyət göstərirsə, bacarığlı olduğundan bəhs edildi.
Bəradər Səməndərlinin dili daim şeirlidir. Bir tədbirdə tanış olmuşduq. Elə orada şahid oldum ki, hər şəxsə, hər cisimə - əşyaya bədahətən şeir qoşur.Onun istedadı daim qaynayır, çağlayır...
Tədbir boyu Yazarın ünvanına gözəl arzular söylədik.
Bir daha Bəradər Səməndərliyə davamlı uğurlar, can sağlığı arzulayıram!.

Validə Vəliyeva
jurnalist