İlqar Həkim

(Yusubov)

İki mərddən biri uduza bilər!

Qartal  göyə atıb, daşlara çalar

Tısbağada  çanaq birşey deyilmiş.

Yola yoldaş olsa mənzil qısalar

İkisi bacanaq birşey deyilmiş.

Hər an ömür -günün bir gərdişidi

Xislətdə  əyrilik soy  vərdişidi.

Havalanıb yazmaq tale işidi

Yazıb havalanmaq, birşey deyilmiş.

Nadanlar dil töküb, baş yoza  bilər

Qan yatıran başa, qan sıza  bilər.

İki mərddən biri uduza  bilər

Namərdə  aldanmaq birşey deyilmiş.

Coşar dəli  könül, nələr sanayar,

Fələk  ələyindən  ələr,sınayar,

Ahıl öyüd verər, aqil qınayar

Cahildən qınanmaq birşey deyilmiş.

İlqar,bir məna var hər zor uğurda

Qaya zirvədədi, çamur çuxurda

Çevirə bilmədin  çaqqalı  qurda,

Xəyala  qapanmaq  birşey deyilmiş.