İlqar həkim

Mən  sənə biçım  yazıram !

Nə  yazıram sevinc , kədər

Mən sənə biçim yazıram .

Silkələnir sal qayalar

Tərpənir içim, yazıram .

Başımda dinmir  üsyanım

Dəyişir  tərsə dövranım ,

Qalanda  yolda karvanım

Köçəndə  köçüm, yazıram .

Xəyal aparır həzində

Fikrim  gül dərir üzündə.

Hamıdan gizlin  -izində

Mən için- için yazıram .

Gözlər qəm  olur , gülmürəm

İzlər  qan  olur, silmirəm .

İnan,  özüm də bilmirəm

Mən sənə neyçün yazıram .

Nurdu  çöhrən,  ənlik  yaxma

Könül  sənsiz  şamsız daxma.

Mənə qınaq  gözlə baxma

Yoxdu bir suçum ,yazıram .