QARDAŞIM
Elmlər doktoru -professor qardaşım
Orucov Vidadi Ömər oğluna.

Elmin zirvəsinə qaldırıb bayraq,
Savaddan, savabdan veribdi soraq.
Təhsil aləminə salıbdı maraq,
Elm-ürfan sahibi olan qardaşım!
*******
Həkk edib qəlbinə Azərbaycanı,
Həmişə düşünüb Böyük Turanı.
Sevir söz-hikməti, şeri -dastanı,
O telli sazını çalan qardaşım!
*******
Borçalı eşqiylə alışıb yanır,
Bizim Başkeçidi müqəddəs sanır.
Şindidən* danışıb, dağları anır,
Hərdən xəyallara dalan qardaşım!
*******
El-oba içində ucadır başı,
Əhdinə sadiqdi, çoxdu sirdaşı.
Olub ərənlərin yarı-yoldaşı,
Həqiqət yolunu bulan qardaşım!
*******
Vətəndən alıbdı eşq-ilhamını,
Vidadi yandırıb bilik şamını.
Kəsməyib kimsədən Haqq-salamını,
İladi qeydinə qalan qardaşım!
*******************************
İladi Öməroğlu

*-Dağ adı