"İnsanların qayğısı çoxdur və bu məni narahat edir. Dövlət orqanları vətəndaşlara kömək etməlidir, bu onların borcudur, belə görünür ki, bu xidmət yaxşı səviyyədə deyil. Bir də görürəm ki, xidmətlərin haqqı, qiymətlər, hətta cərimələr də günü-gündən artır, nəzarət çoxalır və sanki vətəndaşlardan daha çox pul qopartmaq üçün yeni-yeni əlavələr düşünülür."

Bu sətirləri Milli Məclisin deputatı, Milli Cəbhə Partiyasının sədri Razi Nurullayev özünün feysbuk səhifəsində paylaşıb. O, əlavə edib ki, bunun səbəbindən biri dövlət orqanlarının vəzifəli şəxslərinin xalqdan uzaq düşməsidir:

"Rahat kreslolarda da insanları qəbul etməklə onların çətinliyini başa düşmək olmaz. Bir çoxları ümumiyyətlə rahat həyatdan, cah-cəlallı yaşayışdan kresloya yiyələniblər deyə heç xəbərləri də yoxdur ki, bu dövlət necə qurulub, hansı fəlakətlərdən, çaxnaşmalardan keçib."- Deputat paylaşımda bildirib.

Bəradər Səməndərli
"Atributinfo.az"