Şimali Osetiya-Alaniya Respublikasının Vladiqafqaz şəhərində “Azərbaycanlılar Konqresi” Milli Mədəni muxtariyyatı konqresin sədri Murtuza Gülməmmədovun təşkilatçılığı və konqres üzvülərinin iştirakı ilə növbəti iclasını keçirdi. Gündəlikdə duran əsas məsələ gənclər təşkilatına yeni sədrin seçilməsi idi.
“Azərbaycanlılar Konqresi”nin sədri Murtuza Gülməmmədov yığıncağı açıq elan edərək diaspora təşkilatlarının işlərinin vacibliyindən, “Azərbaycanlılar Konqresi”nin, fəxri prezident Şahin Məmmədovun rəhbərliyi altında necə yaranmasından, hansı çətin yolları keçmələrindən və konqresin bu illər ərzində gördüyü işlərdən danışaraq gəncləri ətraflı şəkildə məlumatlandırdı: - Hər bir dövlət siyasi, iqtisadi, sosial inkişafını, hüquqi dövlətin qurulmasını təmin etmək üçün inkişafın prioritet əsaslarını formalaşdırır. Rasional gənclər siyasəti dövlətin milli inkişafda önəmli bir tezisdir. Gənclərin hərtərəfli inkişafının cəmiyyətin həyatında prioritet məsələ olduğunu həvəslə gənclərə anlatdı...
Sonda Əbulfəz Ələkbərov yekdilliklə, Şimali Osetiya “Azərbaycanlılar Konqresi”nin Gənclər təşkilatının yeni sədri seçildi.

Elçin Şükür