Bu gün Lerik rayonun Livədirqə kəndində Qarabağ və Vətən müharibəsində şəhidlik zirvəsinə ucalmış şəhidlərin xatirəsinə inşa edilmiş bulaq kompleksinin açılışı oldu.
Açılış mərasimində Lerik Rayon İcra Hakimiyyəti başçısının səlahiyyətlərini icra edən Cəlil Baxşıyev, millət vəkili İqbal Məmmədov, rayonun idarə müəssisə və təşkilatların rəhbərləri, şəhid ailələrinin üzvləri və kənd ictimaiyyətinin nümayəndələri iştirak edirdilər.
Mərasimdə respublikamızın müstəqilliyi və ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad olundu.
Sonra Lerik Rayon İcra Hakimiyyəti başçısının səlahiyyətlərini icra edən Cəlil Baxşıyev və millət vəkili İqbal Məmmədovla birlikdə, şəhid valideyinləri tərəfindən bulaq kompleksinin üzərindən örtük götürüldü, önündə gül-çiçək dəstələri qoyuldu.
Rayon rəhbərinin və millət vəkilinin, eləcə də digər səlahiyyətli şəxslərin çıxışı zamanı
Vətən müharibəsinin 44 günü ərzində Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında müzəffər Azərbaycan Ordusunun işğal altındakı torpaqlarımızı azad etdiyini, bu möhtəşəm qələbənin şəhidlərimizin qanı, canı bahasına əldə edildiyini, ölkəmizin ərazi bütövlüyü uğrunda gedən döyüşlərdə şəhid olmuş qəhrəman Vətən övladlarının xatirəsinin həmişə ehtiramla yad edildiyini diqqətə çatdırıldı. Bildirildi ki, Qarabağ və Vətən müharibəsində Lerik rayonundan olan qəhrəman oğullarımız da hərbi əməliyyatlarda misilsiz rəşadət nümayiş etdirmişlər. Artıq işğaldan azad edilmiş torpaqlarda cənap Prezidendin nəzarəti ilə aparılan-abadlıq quruculuq işləri barədə gemiş məlumat verdi.
Sonda “Şəhidlər bulağı”nın tikintisində dəstəy göstərən və zəhməti olan hər kəsə minnətdarlıq hissləri bildirildi.
Vətən müharibəsində xalqımızın sarsılmaz birliyi ilə Müzəffər Azərbaycan Ordusunun rəşadəti hesabına möhtəşəm qələbə əldə edildiyi qeyd edildi. Hərbi əməliyyatlarda Lerik rayonundan olan qəhrəman oğulların da nümayiş etdirdikləri misilsiz rəşadətin hər kəsi qürurlandırdığını, onların həyat yolunu, qəhrəmanlıq nümunələrini öyrənmək və təbliğ etmək hr birinin borcu olduğunu vurğuladılar.
Açılış mərasimində şəhid atası Xeyrulla Şirvanov, şəhid babası Əziz Əkbərov, Vətən müharibəsi iştirakçısı Elmar Alışanov çıxış edərkən Şəhid ailələrinə və qazilərə göstərilən yüksək diqqət və qayğıya görə ölkə rəhbəri cənab İlham Əliyevə minnətdarlıqlarını ifadə etdilər.
Sonda
Livədirqə kənd tam orta məktəb şagirdlərinin ifasında şəhidlərə və qələbəmizə həsr olunmuş şeirlər səsləndirildi.

Bəradər Səməndərli
"Atributinfo.az"