İltizam Yusifov, deputat

Milli inkişafın təmin olunmasında siyasi, iqtisadi, sosial sahədə həyata keçirilən uğurlu siyasətlə yanaşı ictimai sabitlik xüsusi önəm kəsb edir. Bu prosesdə daxili işlər orqanlarının rolu böyükdür.
Dövlətçiliyin, ictimai asayişin və qanunçuluğun qorunması üçün böyük fədakarlıq göstərən Azərbaycan polisi öhdəsinə düşən vəzifəni layiqincə yetinə yetirir. Əsası Ümimilli lider Heydər Əlieyv tərəfindən qoyulan siyasəti uğurla davam etdirən Prezident İlham Əliyev Daxili İşlər Nazirliyinin fəaliyyətini daim şəxsi nəzarətində saxlamış, bu strukturun daha da güclənməsi və təkmilləşməsi üçün hər cür yardım göstərmişdir.
Bu gün Polis orqanlarında cinayətkarlıqla mübarizənin daha effektli aparılması, Konstitusiyaya, qanunçuluğa ciddi əməl edilməsi, dövlətin maraqlarının etibarlı qorunması, asayişin mühafizəsinin peşəkarlıqla həyata keçirilməsi, şəxsi heyətin nizam-intizamının gücləndirilməsi, polis-vətəndaş münasibətlərinin daha yüksək səviyyəyə qaldırılması kimi vəzifələr uğurla həyata keçirilir. 44 günlük vətən müharibəsi zamanı da Azərbaycan polisinin gördüyü işlər cəmiyyət tərəfindən müsbət qarşılanır.
2 iyul - Polis Günü münasibəti ilə Azərbaycan polisini təbrik edir, onlara fəaliyyətlərində uğurlar arzu edirəm.