Atributinfo.az-a Milli Məclisin Mətbuat və ictimaiyyətlə əlaqələr şöbəsindən verilən məlumata görə, Milli Məclisin deputatı İltizam Yusifov X Neva Beynəlxalq Ekoloji Forumunda iştirak etmək üçün mayın 24-də Rusiya Federasiyasının Sankt-Peterburq şəhərinə səfər edəcək.
Ekoloji Konqres çərçivəsində yüzilliyin yeni iqlim çağırışları, ekoloji turizmin vəziyyəti və perspektivləri, meşə resurslarının idarə olunması, Arktika və Antarktikanın ekologiyasının qorunması, su ehtiyatlarının ekoloji sağlamlaşdırılması və səmərəli istifadəsi kimi məsələlərə həsr olunmuş dəyirmi masalar keçiriləcək.
Səfər mayın 27-də başa çatacaq.

/atributinfo.az/