AFFA-nın vitse-prezidenti Könül Mehdiyeva UEFA-dan növbəti dəfə təyinat alıb.
O, qadınlar arasında Çempionlar Liqasının I təsnifat mərhələsinin iki matçında UEFA nümayəndəsi olacaq. Hər iki görüş eyni gündə - sentyabrın 4-də oynanılacaq.
K.Mehdiyeva ilk olaraq, “Qazyqurt” (Qazaxıstan) – “Sofiya” (Bolqarıstan) oyununda iş başında olacaq. Qarşılaşma Bakı vaxtı ilə saat 15:00-da başlayacaq.
AFFA İcraiyyə Komitəsinin üzvü saat 21:00-da start götürəcək “Yunion” (Lüksemburq) – “Qalatasaray” (Türkiyə) görüşündə də eyni vəzifəni yerinə yetirəcək.