"Azərbaycanın görkəmli alimi, professor Abbas Zamanovun xatirəsinə həsr olunmuş tədbirdə deputat həmkarların, Milli Elmlər Akademiyasının prezidenti İsa Həbibbəyli, xalq şairi Sabir Rüstəmxanlı, Sadiq Qurbanov, Müşfiq Məmmədli, Etibar Əliyevlə birlikdə iştirak etdik."-Bu sözləri sözügedən tədbirlə bağlı "Atributinfo.az"-a açıqlama verərkən Milli Məclisin deputatı İltizam Yusifov söyləyib.
O, əlavə edib ki, Oxu Akademiyası və Müvəkkil Hüquq mərkəzinin birgə təşkilatçılığı ilə keçirilən tədbirdə bir çox ziyalılar, ictimai-siyasi xadimlər və sənət adamları iştirak edirdilər.
"Professor Abbas Zamanovun həyatının keşməkeşli olmasına baxmayaraq o ömür yolunu vətəninin müstəqilliyinə, çiçəklənməsinə həsr etmiş dahi şəxsiyyət, böyük vətəndaş, görkəmli elm xadimi kimi tarixə düşüb. Abbas Zamanov Azərbaycan ədəbi, ictimai-mədəni mühitində əhəmiyyətli, misilsiz xidmətləri olan bir ziyalı olub. Abbas Zamanov kimi milli maraqlarımıza xidmət etmiş qeyrətli insanlarımız həmişə yaddaşlarda qalacaqlar."- İltizam Yusifov bildirib.

Bəradər Səməndərli
"Atributinfo.az"