Bu gün AYB-nin üzvü şairə Esmira Günəşin Salyanın Qaraçala qəsəbəsində Cəlal Məmmədov adına kənd tam orta məktəbində şəhid Taleh Zamanovun da yer aldığı "Qəlbimizdə yaşayanlar" kitabının təqdimatı oldu. Tədbirdə şəhid ailələri, qazilər, məktəbin müəllim və şagird kollektivi iştirak ediblər.
"Atributinfo.az" xəbər verir ki, tədbir Azərbaycan Respublikasının Dövlət himni və şəhidlərin xatirəsinin bir dəqiqəlik sükütü ilə açıq elan olunduqdan sonra qonaqlar çıxış edib və şairənin şeirləri məktəblilər tərəfindən səsləndirilib. Tədbirin sonunda şairə Esmira Günəş şəhid Taleh Zamanovun anasına və məktəbin kitabxanasına kitab hədiyyə edib. Məktəbin direktoru Aytəkin müəllimə və tədbirin ərsəyə gəlməsində əziyyəti olan hər kəsə xüsusi ilə də Könül müəllimə təşəkür edib. Məktəbin müəllim kollektivi adından şəhid anasına gül buketi təqdim olunduqdan sonra tədbir xatirə şəkilləri ilə sona çatdırılıb.

Dilarə Zeynalova
"Atributinfo.az"