2023-cü ildə Qarabağda baş verən Lokal xarakterli antiterror əməliyyatı zamanı yaralanan qəhrəman vətən oğlu Əliyev Namiq Yaşar oğlu evində ziyarət olunub.
"Atributinfo.az" xəbər verir ki, Saatlı Rayon İcra Hakimiyyətinin başçısı Elmir Bagirov Saatlı rayonu Qara Nuru kəndində Namiq Əliyevlə görüşərək vəziyyəti, qayğı və problemləri ilə yaxından maraqlanıb, tezliklə sağalıb aktiv həyata dönməsini arzu edərək, sağalması üçün bütün səylərin göstəriləcəyini diqqətə çatdırıb.
Ziyarət zamanı öz arzu və istəklərini bildirən Namiq və ailə üzvləri göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya öz minnətdarlıqlarını bildiriblər.

Bəradər Səməndərli
"Atributinfo.az"