Saatlı Rayon İcra Hakimiyyətinin başçısı Elmir Bagırovun rəhbərliyi altında Rayon Gənclər İdman İdarəsi , GE Saatlı , Mollavaizli Bələdiyyəsi, Rayon Mərkəzi Xəstəxanası, Azərbaycan Qızıl Aypara Cəmiyyətinin Saatlı Rayon Bölməsi və Saatlı Rayon ictimaiyyəti Türkiyədə baş vermiş güclü zəlzələ nəticəsində zərər çəkmiş qardaşlarımız üçün keçirilən Yardım Kampaniyasına mütəşəkkilliklə qoşulub. Gənclərimizin də fəal iştirak etdiyi Yardım Kampanyası ön plandadır.
"Atributinfo.az" saytı xəbər verir ki, Kampaniya hələ də davam etməkdədir.
Qardaş ölkəyə dəstək məqsədilə
rayon sakinləri gün ərzində məntəqəyə yaxınlaşaraq gücləri, imkanları yetən yardımları edirlər.
Göründüyü kimi, Azərbaycan həmişə olduğu kimi, bu çətin günündə də Türkiyəyə dəstək olmağı özünün mənəvi və şərəf borcu sayır, qardaşının yanında olduğunu nümayiş etdirir. Türkiyə və Azərbaycanın həmrəyliyi, bu yolda qətiyyət nümayiş etdirməsi bizim bütün maneələri dəf etmək, təkcə özümüzün deyil, bütün bölgənin təhlükəsiz, firavan gələcəyini təmin etmək iqtidarında olduğumuzu bir daha göstərir.

Bəradər Səməndərli,
Zahir Məmmədov