Azərbaycanın enerji sektoruna xarici investorları cəlb etmək lazımdır.
Bunu Azərbaycan Dövlət Neft Şirkətinin (SOCAR) vitse-prezidenti Kənan Nəcəfov ADA Universitetində 16-cı Bakı Yay Enerji Məktəbinin açılışında deyib.
"Bizim enerji siyasətimizin mühüm istiqamətləri daha çox investor cəlb etmək və təbii ki, bərpa olunan enerji mənbələrinin inkişafıdır", - K.Nəcəfov bildirib.
Onun sözlərinə görə, Azərbaycanın gündəliyinə Avropaya enerji resurslarının tədarükünün artırılması məsələsi daxildir.
O qeyd edib ki, Azərbaycan artıq enerji resurslarının etibarlı təchizatçısıdır və bu sahədə böyük perspektivlər var.
Qeyd edək ki, 16-cı Bakı Yay Enerji Məktəbi ADA Universitetinin İnkişaf və Diplomatiya İnstitutunun dəstəyi və Azərbaycan Dövlət Neft Şirkəti (SOCAR), bp Azerbaijan, Kolin, Masdar və "TotalEnergies" şirkətlərinin tərəfdaşlığı ilə keçirilir.