İngiltərənin “Çelsi” klubunun qapıçısı Filip Yorgensen Fransanın “Strasburq” komandasına icarəyə verilib.

Bu barədə London təmsilçisinin mətbuat xidməti məlumat yayıb. Danimarkalı qapıçı mövsümün sonunadək Liqa 1 klubunda çıxış edəcək.

Qeyd edək ki, “Strasburq” klubunun sahibi “Çelsi”nin də daxil olduğu “BlueCo” konsorsiumudur.

Filip Yorgensen 2024-cü ildən “Çelsi”də çıxış edir. O, ötən mövsüm London klubunun heyətində 12 oyuna çıxıb və 17 qol buraxıb. Qolkiper həmin görüşlərin ikisində qapısını toxunulmaz saxlayıb.