21 yaşadək futbolçulardan ibarət Azərbaycan millisi bu gün növbəti oyununu keçirəcək.
Yığmamız AVRO-2025-in seçmə mərhələsində Ukrayna ilə görüşəcək.
F qrupunda sonuncu pillədə qərarlaşan Samir Əliyevin yetirmələri lideri büdrətməyə çalışacaq. Dörd gün əvvəl İngiltərəyə dörd top fərqi ilə uduzan millimiz “Azərsun Arena”ya uğur qazanmaq üçün çıxacaq. Görüş saat 16:00-da başlayacaq.
Qeyd edək ki, qrupumuzda baş tutacaq digər iki oyunda Serbiya Şimali İrlandiyanı, İngiltərə Lüksemburqu qəbul edəcək. Bu qarşılaşmalar Bakı vaxtı ilə müvafiq olaraq 21:00 və 23:00-da başlayacaq.
AVRO-2025-in seçmə mərhələsi
F qrupu
26 mart
16:00. Azərbaycan – Ukrayna
Baş hakim: Dario Bel (Xorvatiya)
Bakı. “Azərsun Arena”