Sizin reklam burada
Sizin reklam burada

Gövhər Beydullayeva FİDE reytinqində 36 pillə irəliləyib

Beynəlxalq Şahmat Federasiyasının (FIDE) yeni reytinq siyahısı açıqlanıb.
Norveçli dünya çempionu Maqnus Karlsenin (2859 xal) başçılıq etdiyi siyahıda Azərbaycan şahmatçısı Teymur Rəcəbov 5 pillə irəliləyərək 11-ci olub (2747 xal), Şəhriyar Məmmədyarov isə 1 pillə geriləyərək 2741 xalla 14-cüdür. Qədir Hüseynov (2661 xal) 86-cı, Nicat Abbasov (2646 xal) 100-cü, Rauf Məmmədov (2646 xal) isə 102-ci sıradadır.
Qadın şahmatçılarımızdan İtaliyada gənclər arasında dünya çempionu olan Gövhər Beydullayeva 36 pillə irəliləyərək 62-ci yerdə qərarlaşıb (2387 xal). Günay Məmmədzadə (2472 xal) 20-ci, Ülviyyə Fətəliyeva (2428 xal) 37-ci, Xanım Balacayeva (2379 xal) 73-cü, Gülnar Məmmədova (2376 xal) 78-ci yerdədirlər.
Qadın şahmatçıların reytinq siyahısına çinli Yifan Hou (2638 xal) başçılıq edir.

  • Sosial şəbəkədə paylaş
XƏBƏR LENTİ