Pakistanın Pəncab əyalətinin Multan şəhərində sərnişin qatarının relsdən çıxması nəticəsində azı beş nəfər həlak olub, 30 nəfər yaralanıb.
Bu barədə “Geo TV” telekanalı məlumat yayıb.
Bildirilib ki, Karaçidən Peşəvərə hərəkət edən “Rehman Baba Express” qatarının 14 vaqonunun hamısı relsdən çıxıb. Hadisə yerli vaxtla saat 05:15 radələrində Şer Şah körpüsünün yaxınlığında baş verib.
Yaralılar xəstəxanaya çatdırılıb, xilasetmə işləri davam etdirilir. Qəzanın səbəbi hələlik rəsmi olaraq açıqlanmayıb.