Yaponiya və ABŞ-ın hakimiyyət orqanları bundan əvvəl qəbul edilən yenilənmiş Yaponiya milli təhlükəsizlik strategiyasını nəzərə alaraq rolların bölüşdürülməsinə razılıq verdilər.
Bu barədə Yaponiya müdafiə naziri Yasukadzu Hamada ABŞ və Yaponiyanın müdafiə və diplomatik qurum rəhbərləri arasında “iki üstəgəl iki” formatında danışıqların yekunu üzrə Vaşinqtonda keçirilən mətbuat konfransında deyib.
"Razılaşdıq ki, qarşımızda duran rolları və vəzifələri bölüşdürmək lazımdır. Biz düşmənə əks-hücumların həyata keçirilməsi üçün imkanların təmin edilməsi, kosmosda və kiberməkanda əməkdaşlığın gücləndirilməsi, o cümlədən texnika və texnologiyaların inkişafı sahəsində əməkdaşlıq sahəsində təşəbbüsləri irəli sürmək barədə razılığa gəldik", - deyə o bildirib.