Serbiya və Kosovo arasında gərginlik artır. Kosovonun şimalındakı hücumlardan sonra Serbiyanın baş naziri Ana Brnabiç Kosovo tərəfinə qarşı sülhü qorumaq üçün hər kəsin əlindən gələni etməli olduğunu vurğulayaraq, “Priştinanın təktərəfli addımları səbəbindən münaqişə astanasındayıq” deyib.
Kosovonun şimalındakı gərginlikdən sonra Serbiya ilə gərginlik artıb. Serbiya prezidenti Aleksandr Vuçiç də gərginliyin artmasından sonra Milli Təhlükəsizlik Şurasının çağırılmasına qərar verib.
Serbiya parlamentinin iclasında Serbiyanın baş naziri Ana Brnabiç ölkəsi ilə Kosovo arasındakı problemlərə toxunaraq, sülhün qorunması üçün hər kəsin əlindən gələni etməli olduğunu vurğulayıb. “Biz Priştinanın birtərəfli addımları səbəbindən münaqişə astanasındayıq”, - deyə Brnabiç bildirib.

KOSOVO POLİSİ TƏDBİRLƏRİ ARTIRDI

Kosovo tərəfi də təhlükəsizlik tədbirlərini artırıb. Kosovo polisindən verilən yazılı açıqlamada ölkənin şimalında yaşayan vətəndaşlara qarşı təhdidlərin artması ilə əlaqədar "şəhərlərdə və şəhərlərarası yollarda aktiv vəzifələrlə yanaşı avtomobil nəzarət məntəqələri yaradıldığı" bildirilib.

SERBİYA-KOSOVO GƏRGİNLİĞİ

Kosovonun ölkənin şimalında serblərin məskunlaşdığı ərazilərdə təhlükəsizlik qüvvələrinin mövcudluğunu artırdığını bildirməsindən sonra Serbiya və Kosovo yenidən gərginləşib. Serb əhalisinin sıx məskunlaşdığı Kosovonun şimalındakı 4 bələdiyyədə dekabrın 18-də keçiriləcək növbədənkənar ümumi seçkilər öncəsi iki ölkə bir daha üz-üzə gəlib. Kosovo tərəfi seçkidən əvvəl bölgədə təhlükəsizliyi təmin etdiyini bildirərkən, Serb tərəfi bölgədə yaşayan serblərin çıxarılmasının istəndiyini müdafiə edir. Yerli media xəbər verir ki, Kosovonun şimalında vəziyyət sakit, lakin gərgindir. Serbiya 2008-ci ildə birtərəfli qaydada müstəqilliyini elan edən Kosovonu öz ərazisi hesab edir.

Eltac Zülfüqaroğlu/Turkustan.az