Ulu Öndər Heydər Əliyev ,həmçinin, Azərbaycan musiqisinin heyranı idi. O milli musiqi sahəsinə böyük töhfələr vermiş Müslüm Maqomayev, Niyazi ,Rəşid Behbudov, Asəf Zeynallı, Bülbül haqqında dəyərli fikirlər səsləndirmişdir.
Bu sözləri "Atributinfo.az"-a açıqlamasında Saatlı Rayon İcra Hakimiyyətində İctimai siyasi və Humanitar məsələlər şöbəsində baş məsləhətçi Aqşin Məmmədov söləmişdir. O, əlavə etmişdir ki, Üzeyir Hacıbəyov fövqəladə fitri istedadı, böyük fədakarlığı, mükəmməl təhsili, elmi, vətənpərvərliyi, ictimai-siyasi fəaliyyəti ilə xalqımızın böyük şəxsiyyətlərindən biri olmuş, dünya korifeylərinin ön sırasında duran, Azərbaycanı təmsil edən görkəmli şəxsiyyət olmuşdur:
"Dahi bəstəkar Üzeyir Hacıbəyov 23 yaşında yaratdığı “Leyli və Məcnun” operası ilə təkcə Azərbaycanda deyil, bütün müsəlman Şərqində opera sənətinin əsasını qoymuşdur.Üzeyir Hacıbəyov çox gözəl, əzəmətli Dövlət Himni yaratmışdır. Mən hər dəfə ayrı-ayrı ölkələrdə Üzeyir Hacıbəyovun musiqisi ilə yaradılmış himnin səsləndiyini duyarkən qürur hissi keçirirəm. Təkcə ona görə yox ki, müstəqil Azərbaycanın Dövlət Himni dünyanın bir çox ölkələrində səslənir və Azərbaycanın Dövlət Bayrağı qalxır. Bir də ona görə ki, həqiqətən Himnin musiqisi çox cazibədardır, gözəldir. Bülbül sənəti Azərbaycanın musiqi mədəniyyətinin inkişafında mühüm rol oynamışdır. O, Azərbaycanın professional vokal sənətinin banisidir. Onun çoxşaxəli zəngin yaradıcılığı milli muğam ifaçılığının ən yaxşı ənənələrini və dünya vokal məktəbinin nailiyyətlərini ahəngdar şəkildə özündə birləşdirir."
Aqşin Məmmədov demişdir.

Zahir Məmmədov
"Atributinfo.az"