Azərbaycan həmkarlar ittifaqları ölkə Prezidenti İlham Əliyevin vətəndaşların müraciətləri ilə bağlı dövlət orqanlarına verdiyi tapşırıq və göstərişləri nəzərə alaraq, hər zaman üzvlərinin ərizə və şikayətlərinə həssas yanaşır, onların həlli istiqamətində səlahiyyətləri çərçivəsində müvafiq addımlar atır. Belə ki, 2021-ci ildə Azərbaycan həmkarlar ittifaqları aparatlarınaüzvlərdən 143834 ərizə və şikayət, o cümlədən elektron poçt vasitəsilə 1 093 müraciət daxil olub.Müraciətlərin 97,9 %-i müsbət həll edilib.
Bu barədəAzərbaycan Həmkarlar İttifaqları Konfederasiyasının (AHİK) açıqlamasında deyilir.
Bildirilir ki, bilavasitə AHİKAparatına ötən il ərzində 1142 ərizə və şikayət daxil olub. Bu müraciətlərin hamısımüsbət həllini tapıb.
Ötən il 124 həmkarlar ittifaqı üzvü AHİK-in rəhbərləri tərəfindən qubul edilib. Onlardan 65-i Konfederasiya sədrinin qəbulunda olub. Qaldırılan məsələlərin hamısı müsbət həll edilib.
Ümumiyyətlə, 2021-ci ildə əmək hüquqlarının müdafiəsi ilə bağlı daxil olan ərizə və şikayətlərin arasından işə bərpa ilə əlaqədar həmkarlar ittifaqına 297 müraciət daxil olub, onlardan 193-ümüsbət həllini tapıb.
Maddi yardım və yollayışlara aid müraciətlərin çox olmasına baxmayaraq, AHİK və üzv təşkilatları tərəfindən hər il ehtiyacı olan həmkarlar ittifaqı üzvləri maddi yardım, müalicə və istirahət ocaqlarına yollayışlarla təmin edilirlər.
İttifaq üzvlərinin müraciətlərinə göstərilən diqqət və qayğıya görə AHİK-in ünvanına xeyli sayda təşəkkür məktubu ünvanlanıb.

AHİK-in Mətbuat və ictimaiyyətlə əlaqələr şöbəsi