"Yanvarın 28-də İş Adamları Cəmiyyətinin Milli Assosiasiyasının (İCMA)“Tibb Müəssisələri və Həkimlərlə İş” Komissiyasının təşəbbüsü və təşkilatçılığı ilə səhiyyə sektoruna həsr olunmuş sektorial görüşdə iştirak etdim. Tədbir dövlət və özəl səhiyyə qurumları arasında əməkdaşlıq imkanlarının müzakirəsi və qarşılıqlı təcrübə mübadiləsi üçün uğurlu platforma oldu."

Bunu "atributinfo .az"a açıqlamasında Milli Məclisin deputatı Müşfiq Məmmədli deyib. O, əlavə edib ki, açılış nitqlərində səhiyyə sektorunun inkişafı, dövlət–özəl tərəfdaşlığı və sahibkarlara göstərilən dəstək barədə geniş məlumat verildi:

"Görüş zamanı innovativ texnologiyalar, icbari tibbi sığorta və özəl tibb müəssisələrinin imkanları ilə bağlı təqdimatlar maraqla qarşılandı. Yeni əməkdaşlıqlar və ideyaların müzakirəsi ilə tədbir çox səmərəli keçdi." - Deputat deyib.

Bəradər Səməndərli
"Atributinfo.az"