"Bu gün, 03.06.2024 tarixində Azərbaycan Milli Elmlər Akademiyasının Rəyasət Heyətinin Böyük akt zalında Nobel mükafatı laureatı, AMEA-nın Fəxri üzvü, ABŞ Şimali Karolina Universitetinin professoru Əziz Sancarla görüşə həsr olunmuş AMEA-nın Ümumi yığıncağının Xüsusi iclasında iştirak etdim."
Bunu Milli Məclisin deputatı İltizam Yusifov "atributinfo.az"a açıqlamasında bildirib.
O, əlavə edib ki, Əziz Sancar “Türk dünyası elm siyasəti: reallıqlar və çağırışlar” mövzusunda elmi məruzə ilə çıxış etdi. Çıxışında elmi fəaliyyət təşkilindən, elmin insanlığa, bəşəriyyətə xidmət etməsindən söz açdı. Türk dünyası ilə Çinin son 50 ildə elmi fəaliyyətini müqayisələndirərək Türk birliyi ölkələrində elmin inkişaf yollarını barədə fikirlərini bildirdi. Nobel mükafatı laureatı çıxışında əsas preoritet kimi fundamental, təbiət elmlərini əsas kimi göstərib, oğlan və qızların bərabər təhsil hüquqlarının təmin olunması, nəzəriyyələrin təcrübədən keçirilməsi, alimlərin təşviq edilməsi kimi tövsiyələrini də səsləndirdi.

Bəradər Səməndərli
"Atributinfo.az"