Oruc Dadaşi Elman

DAĞIN DÖŞÜNDƏ

Topraq da doğmadır, daş da doğmadır
Addımlar atdığın, dağın döşündə
Ürək də doğmadır, baş da doğmadır
Sevgiyə çatdığın, dağın döşündə

Gül - çiçək sənilə tərdi, könlümə
Gülüşün yol verməz dərdi, könlümə
Günəş də istisin sərdi könlümə
Kölgədə yatdığın, dağın döşündə

Bir də gəl qoşulub, çıxaq ikimiz
Məhəbbət əllərin, sıxaq ikimiz
Həsrəti, nisgilli, yıxaq ikimiz
Şirinlik qatdığın, dağın döşündə

Dil, dili anlamış, ürək, ürəyi
Göz, gözü buraxmır, qollar, kürəyi
Yerində yaşatdıq uçan diləyi
Duyğuya batdığın, dağın döşündə

Kəkliklər qorucaq daşlar altını
Gül - çiçək oxşayır başlar altını
Bulaqlar məst edir, qaşlar altını
İşvə - naz satdığın, dağın döşündə

Bulaqdan süzülən, mey səni deyir
Şalalə çaldığı ney, səni deyir
Elmanam, ürəyim tey səni deyir
Əlimdən tutduğun, dağın döşündə