NİLUFƏR KİYANİ
(GÜNAY ARAZQIZI)

Acıxmışam

Neynirəm bu kal xoşluğu
Tək gülməyə acıxmışam
Dostlarımla bir kəlmə söz
Bölüşməyə acıxmışam

Dərd tikmişəm özüm boyda
Ağlamışam gözüm boyda
Dil odmuşam sözüm boyda
Tər kəlməyə acıxmışam

Ömrün boyun əyən gündən
Dilimə söz deyən gündən
Yavan yaşam yeyən gündən
Mən ölməyə acıxmışam

Həsrətimin kollərındə
Xəyalımın yollarında
Gözlərinin qollarında
Bükülməyə acıxmışam