DEMƏDİ?

Vahid Əziz – 80



Dost sədaqəti: Professor Vidadi Orucov təqdim edir

Hardasan, sevdiyim çiçək?
Öldürmə! meylin kimədi?
Hər şeydən danışan külək
eşqimdən һeç nə demədi?

Çəkib һansı dil aparıb?
Kölgəsinə gül aparıb?
Çoxlarını sel aparıb –
“o seldən keçmə!” – demədi?

Dəli qılınc qanlar salar,
savaşlar qanunsuz olar,
sonalayan – soysuz qalar:
“bu qədər seçmə”– demədi?

Çaylar bir az yavaşıdı,
bilirsən nələr daşıdı?
Şeһ – çiçəyin gözyaşıdı:
“yansan da, içmə”– demədi?

Duyuldu qəlbdəki giley,
pıçıldaşdı Yer ilə Göy,
“mən göndərən köynəyi gey,
başqasın seçmə”– demədi?

Anlayaram sözlərini
görə bilsəm gözlərini.
fənd edib aldadar səni:
“eşqə and içmə”– demədi?

Vahid Əziz
Xalq şairi