Vahid Əziz - 80

Professor Vidadi Orucov təqdim edir:

Xeyli dərdlərim var məni yandıran;
Vallah-əlİdən düşdüm, Vallah yazığam,
çalışdım qanmaza nəsə qandıram,
özüm adamlıqdan az qaldı çıxam.

Sağlam əqidəynən, təmiz ürəknən
yadlar qarşıladım duznan- çörəknən,
viranə mülkləri abad edərkən
özüm öz evimi az qaldı yıxam,

Hər cürəm; şənlənir, itib- batıram,
dərdlərdən içimdə ocaq çatıram,
bəzən səksəkəylə gedib yatıram-
çünkü, inanmıram səhərə çıxam,

Ömrün gülşənində gəzən arıyam,
çiçək anlayanam, gül tanıyanam,
mən uca Tanrının kərguzarıyam;
həyat- tamaşadır,
gəlmişəm baxam...


Vahid Əziz
Xalq şairi 21.05.2023