Ötən gün başda millət vəkili, Milli Cəbhə Partiyasının (MCP) sədri Razi Nurullayev, eləcə də Partiyanın rəhbər heyəti Heydər Məscidi Dini Kompleksində olmuş, məscid kompleksinin direktoru, tanınmış din xadimi Hacı Sabir Həsənli ilə görüşüb söhbət etmişlər. H.Həsənli millət vəkilinə məscidin fəaliyyəti haqqında geniş məlumat vermişdir.
Qeyd edək ki, görüşdə MCP sədrinin dini məsələlər üzrə müavini, ilahiyyatçı Tural İrfan, MCP Siyasi Şurasının üzvü Pərviz Şıxaliyev, MCP-nın şöbə müdiri Sənan Daşdəmirli, partiya funksioneri Şamxal Kərimov, habelə məscidin imamı Hacı Hafiz Abbasov, Quran qaresi, məscidin rəsmisi Hacı Rza Rzayev, "Dost" elmi-ictimai jurnalının baş redaktoru Hacı Elvin Arifoğlu, "Göy Məscid"in rəsmisi, axund Hacı İdris, "Şəhidlər Məscidi"nin imamı Hacı Mirzahid və digər din xadimləri iştirak etmişər.
Sonda xalqımızın xoşbəxt, firavan gələcəyi, dövlətimizin sabitlik, əmin-amanlıq şəraitində inkişafı naminə dualar edilmişdir.

Bəradər
"Atributinfo.az"