Sizin reklam burada
Sizin reklam burada

”Ömrün payızı"

”Ömrün payızı"İstəkli oxucular, bu sayımızda sizlərə təqdim edəcəyimiz insan yüksək mənəvi əxlaqi dəyərləri öz həyat amalı hesab edən yazıçı-hüquqşünas İlqar Allahverdi oğlu Abdullayevdir. Zəngin həyat və yaradıcılıq yolu keçən İ. Abdullayev 1962-ci ildə Bakı şəhərinin Mərdəkan qəsəbəsində anadan olmuşdur.
1989-cu ildə Bakı Dövlət Universitetininin Hüquq fakültəsini bitirdikdən sonra 1995-ci ilə qədər məhkəmə orqanlarında müxtəlif vəzifələrdə işləmiş, 1995-2000-ci illərdə Azərbaycan Hərbi Dəniz Qüvvələrinin Hərbi Tribunalının hakimi olmuşdur. 2001-ci ildən hal-hazıradək Azərbaycan Respublikasının Ədliyyə Nazirliyinin Təşkilat-Nəzarət İdarəsinin Baş məsləhətçisi, Baş ədliyyə müşaviridir. O, eyni zamanda İcra Xidmədində Monitorinq Qrupunun rəhbəridir. Fəxri ədliyyə işçisidir. İlqar Abdullayev Azərbaycan Respublikası Prezidenti cənab İlham Əliyevin 21 noyabr 2008-ci il tarixli Sərəncamı ilə "Dövlət qulluğunda fərqlənməyə görə" medalı ilə təltif olunmuşdir. Bədii yaradıcılıqla məşğul olur. Dövrü mətbuatda tez-tez maraqlı yazılarla çıxış edir. "ÇİNARIN HƏSRƏTİ", "ODU SÖNMÜŞ OCAQ", "TAMAH", "TALEYİNİ YAŞAYANLAR" kitablarının müəllifidir. Azərbaycan Yazıçılar Birliyinin üzvüdür. "Qızıl Qələm" media mükafatı laureatıdır. ”Ömrün payızı" Bu günlərdə çoxsaylı oxucularının görüşünə gəldiyi "Ömrün payızı" adlı kitabı müəllifin beşinci yaradıcı kitabıdır. İnanırıq ki, növbəti görüş o birilərindən daha geniş, daha parlaq olacaq, müəllifə ənənəvi oxucu məhəbbəti, yüksək uğurlar qazandıracaq.

P.S.: Dəyərli dostum İlqar müəllim, hələ ömrün baharıdı. Payızı qarşılayın yaradıcı baxışlarla, ancaq baharı bu tezlikdə ötüb getməyin. Sizdən yeni-yeni yaradıcılıq gözləmək arzusu ilə "Omürün payızı" mübarək olsun, deyirəm.

Bəradər Səməndərli

  • Sosial şəbəkədə paylaş
XƏBƏR LENTİ