Emin Hacıyevmillət vəkili
Vətən müharibəsində Qələbəmiz hər birimiz üçün qürur mənbəyidir. Bu Qələbə Azərbaycanın tarixinə qızıl hərflərlə həkk olundu. Bu münasibətlə qarşıdan gələn 8 Noyabr Vətən müharibəsində Qələbə günü ərəfəsində Vətən uğrunda canlarından keçmiş Şəhid qardaşlarımızın ailə üzvlərini ziyarət edirik.
Milli Qəhrəman general Polad Həşimovun anası, dairəmizin sakini Səmayə xanımın evində olmaq, Polad Həşimova Sumqayıtlıların tükənməyən sayğısının şahidi olmaq qürurvericidir.
Sumqayıt şəhər 31 nömrəli məktəbin 3C sinifinin şagirdlərinə, onların sinif rəhbəri İnarə müəlliməyə və valideynlərinə Səmayə xanımın evində təşkil olunmuş görüşə görə dərin minnətdarlığımı bildirirəm.