Dunən-17.05.2022-ci il tarixdə Bakıda keçirilən İqtisadi Əməkdaşlıq Təşkilatı Parlament Assambleyasının (PAECO) üçüncü Ümumi Konfransının iştirakçıları ilə Fəxri xiyabana gələrək müasir Azərbaycan dövlətinin memarı və qurucusu, Ümummilli Lider Heydər Əliyevin əziz xatirəsini ehtiramla yad etdik.
Milli Məclisin sədri Sahibə Qafarovanın başçılığı ilə PAECO təşkilatında mənimlə birlikdə nümayəndə heyətimizin üzvləri - Milli Məclisin deputatları Tahir Mirkishili, Elnur Allahverdiyev və Könül Nurullayeva da tədbirdə iştirak edirdi.
Daha sonra bütün tədbir iştirakçıları ilə birlikdə Şəhidlər xiyabanında ölkəmizin müstəqilliyi və ərazi bütövlüyü uğrunda canlarından keçmiş qəhrəman oğullarımızın məzarlarını və "Əbədi məşəl" abidəsini ziyarət etdik.

İltizam Yusifov
Milli Məclisin deputatı