Sizin reklam burada
Sizin reklam burada

Üçüncü doza yaşı 60-dan yuxarı şəxslərdə ağırlaşmaları 20 dəfəyə yaxın azaldır - Yaqut Qarayeva

Üçüncü doza yaşı 60-dan yuxarı şəxslərdə ağırlaşmaları 20 dəfəyə yaxın azaldır - Yaqut Qarayeva Tədqiqatlara əsasən, koronavirus əleyhinə peyvəndin 3-cü dozasını almış yaşı 60-dan yuxarı şəxslərdə yoluxmadan qorunma 11 dəfə, ağırlaşmalardan qorunma isə 19 dəfə artıb.
Bunu TƏBİB-in Xəstəliklərin kontrolu və profilaktikası departamentinin rəhbəri Yaqut Qarayeva deyib.
Y.Qarayeva bir sıra ölkələrdə aparılan tədqiqatların nəticələri və 3-cü dozanın əhəmiyyətindən danışıb:
"ABŞ-ın Xəstəliklərə Nəzarət və Qarşısının Alınması Mərkəzinin (CDC) məlumatına əsasən buster dozanın ilkin dozalardan 6 ay keçmiş və 65-dan yuxarı yaş həddi olan insanlara, 18-dən yuxarı yaş həddində isə yan xəstəlikləri mövcud, yüksək risk şəraitində yaşayan və ya işləyən şəxslərə vurulması tövsiyə edilir. Böyük Britaniyanın Milli Səhiyyə Xidmətindən (NHS) bildirilir ki, 50-dən yuxarı yaş həddi üçün, yaşı 16-dan yuxarı yüksək risk qrupları, həmçinin yüksək risk şəraitində yaşayan və ya işləyən şəxslər buster doza qəbul edə bilərlər. İsraildə isə 3-cü doza yaşı 60-dan yuxar vətəndaşlarla yanaşı, avqust ayından yaşı 12-dən yuxarı şəxslərə də tətbiq olunur.
Tədqiqatlara əsasən, 3-cü doza almış yaşı 60-dan yuxarı şəxslərdə yoluxmadan qorunma 11 dəfə, ağırlaşmalardan qorunma isə 19 dəfə artıb".
TƏBİB rəsmisi qeyd edib ki, buster dozanın müsbət nəticəsi daha çox yaşı 65-dən yuxarı olan şəxslər qrupunda qeydə alınıb:
"ÜST buster dozanı immunsupressiv hallarda və həssas qruplara tövsiyə edir. Türkiyədə, Amerika Birləşmiş Ştatlarında keçirilmiş tədqiqatlara əsasən, buster dozanın effektivliyi sübut olunub. Kanada da immunsupressiv hallarda və həssas qruplara buster doza tövsiyə edilir”.

  • Sosial şəbəkədə paylaş
XƏBƏR LENTİ