Sizin reklam burada
Sizin reklam burada

Azərbaycanda həbsxanaya poçtla "patı" göndərdilər

Azərbaycanda həbsxanaya poçtla "patı" göndərdilər Həbsxanaya və 16 saylı cəzaçəkmə müəssisəsinə narkotik və psixotrop maddələrin keçirilməsi cəhdlərinin qarşısı alınıb.
Penitensiar xidmətdən verilən xəbərə görə, Cinayət Məcəlləsinin 32.5; 206.3.2; 234.4.1; 234.4.3 və 66.3-cü maddələri ilə təqsirli bilinərək 13 il müddətinə azadlıqdan məhrum edilmiş və hazırda Qobustan Həbsxanasında cəza çəkən məhkum Vüqar Müzəffər oğlu Məmmədova vətəndaş Fərid Xalid oğlu Məmmədov tərəfindən poçt vasitəsilə göndərilmiş sovqata baxış keçirilib. Bu zaman orada olan 4 ədəd qəndin içərisində xüsusi üsulla gizlədilmiş sellofan bükülülərdə ümumi çəkisi 0,361 qram olan psixotrop maddə - metamfetamin (patı) və ümumi çəkisi 0,653 qram olan narkotik maddə - heroin aşkar edilib.
Cinayət Məcəlləsinin 221.3-cü maddəsi ilə təqsirli bilinərək 2 il 6 ay 24 gün müddətinə azadlıqdan məhrum edilmiş və hazırda Penitensiar xidmətin 16 saylı cəzaçəkmə müəssisəsində cəza çəkən məhkum Emil Zakir oğlu Şükürova qohumu Abşeron rayon sakini Əli Hüseyn oğlu Abbasov tərəfindən gətirilmiş sovqata baxış keçirilib. Bu zaman orada olan gödəkçənin astar hissəsində xüsusi üsulla gizlədilmiş sellofan bükülülərdə 1,891 qram çətənə bitkisinin toxumları aşkar edilib.

  • Sosial şəbəkədə paylaş
XƏBƏR LENTİ