Ağcabədi rayonunun Cəfərbəyli kəndində ikimərtəbəli 4 otaqlı evin yanması nəticəsində bir nəfər xəsarət alıb.Ötən axşam baş verən hadisə nəticəsində Şənlik kənd sakini 1989-cu il təvəllüdlü Fərhadova Əsmər Qüdrət qızı müxtəlif dərəcəli xəsarətlər alıb. Hadisə yerinə gələn təcili yardım briqadası xəsarət alan qadını Mərkəzi Rayon Xəstəxanasına çatdırıb.
Mərkəzi Rayon Xəstəxanasından Trend-ə verilən məlumata görə, ötən axşam saat 20:05 radələrində Əsmər Fərhadova qarın nayihəsinin termiki yanığı və hər iki budun yanması xəsarətləri ilə mərkəzə daxil olub. Hazırda onun vəziyyəti orta ağır qiymətləndirilir.
FHN-dən verilən məlumata görə, ümumi sahəsi 220 m² olan ikimərtəbəli 4 otaqlı evin dam örtüyünün yanar konstruksiyaları 110 m² sahədə və ikinci mərtəbəsində 2 otağın yanar konstruksiyaları 85 m² sahədə yanıb. Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.