https://atributinfo.az/ Gündəm - Atributinfo.az - Azerbaycan'dan Son Dakika Haberler ve Güncel Bilgiler true https://atributinfo.az/siyaset/50521-dovlt-departamenti-907-ci-duzliin-lvinin-uzadlmas-bard-konqres-bildiri-gondrib.html atribut Siyasət / Gündəm Sun, 16 Aug 2026 23:42:24 +0400 ABŞ Dövlət Departamenti “Azadlığa Dəstək Aktı”nda Azərbaycanla bağlı 907-ci düzəlişin ləğvinin uzadılması barədə Konqresə bildiriş göndərib.

10 avqust tarixli bildiriş ABŞ Konqresinin rəsmi protokolunda yer alıb.

Sənəd ABŞ Dövlət Departamenti tərəfindən Nümayəndələr Palatasının Xarici Əlaqələr Komitəsinə təqdim edilib.]]> true https://atributinfo.az/siyaset/50520-azrbaycan-ordusunda-andicm-mrasimlri-kecirilib.html atribut Siyasət / Gündəm Sun, 16 Aug 2026 23:37:48 +0400 Avqustun 16-da Azərbaycan Ordusunda gənc əsgərlərin andiçmə mərasimləri keçirilib.

Müdafiə Nazirliyindən bildirilib ki, hərbi orkestrlərin müşayiəti ilə Döyüş bayraqları təntənəli surətdə sıra meydanlarına gətirildikdən sonra tədbirlər açıq elan olunub.

Əvvəlcə xalqımızın Ümummilli Lideri Heydər Əliyevin və şəhidlərin xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Təntənəli surətdə hərbi andı qəbul edən gənc əsgərlər Vətənə sadiq olacaqlarına söz veriblər.

Müdafiə Nazirliyinin nümayəndələri və hərbi hissə komandirləri çıxış edərək gənc əsgərlərə əlamətdar gün münasibətilə təbriklərini çatıdıblar. Həmçinin onlara Vətənə, dövlətə və Ali Baş Komandana, hərbi anda sadiq olmalarını, nümunəvi xidmət etməyi, silah və texnikanın sirlərini dərindən öyrənərək döyüş hazırlıqlarını daim yüksəltmələrini, komandir-rəis heyətinin əmr və göstərişlərini dəqiq və vaxtında yerinə yetirmələrini, torpaqlarımızın müdafiəsi naminə hər an hazır olmalarını tövsiyə ediblər.

Çıxış edən tədbir iştirakçıları gənc əsgərlərin hərbi andı qəbul etmələrindən qürur duyduqlarını və hərbi xidmətdə yaradılan şəraitə görə dövlət başçısına, həmçinin Müdafiə Nazirliyinin rəhbərliyinə minnətdarlıqlarını bildiriblər.

Andiçmə mərasimləri hərbi qulluqçuların təntənəli marşlarla tribunaların önündən keçidləri ilə başa çatıb.

Sonda hərbi hissələrdə vətənpərvərlik ruhunda mədəni-kütləvi tədbirlər keçirilib.]]> true https://atributinfo.az/yazarlar/50438-bradr-smndrli.html atribut Yazarlar / Gündəm Tue, 11 Aug 2026 22:14:13 +0400
Bəradər Səməndərli

İLAHİ, BU GÖZƏL GÖZƏ GƏLMƏYƏ

Tanrı xoş çağında yaradıb səni,
Bu nə gözəllikdi, bu nə bənizdi?
Şairə təb verən elə pərisən,
Bunu vəsf etməyə söz də acizdi.

Baxdıqca doymayır göz, gözəlliyə,
Doğulur bakirə söz, gözəlliyə.
İlahi, bu gözəl gözə gəlməyə,
Baxışı dəryadı, gözü dənizdi.

Bu gözəl könlümə nur ələyibdi,
Ruhumu kökundən silkələyibdi.
Yoxsa, Günəş doğub, Ay bələyibdi,
Qeybdən gəlməsi heç şübhəsidi.

Sən, narın gülüsən, Gülün Narısan,
Məhəbbət bağının şirin barısan.
Vuran ürəyimin şah damarısan,
Sanma Səməndərli iradəsizdi.

QARĞALAR FESTİVAL YARADARDILAR

Dünyaya nur saçan Günəşlə, Aydı,
Dörd fəsil payızdı, qış, bahar, yaydı.
Bütün oxuyanlar bülbül olsaydı,
Quzğunlar şeş qoşa zər atardılar,
Qarğalar festival yaradardılar.

Bəs, nədən qəfəsdi yeri bülbülün?
Nədən "yek-du" düşür zəri bülbülün.
Gör kimlər Şusada xarı bülbülün,
Bağrının başını qopardardılar,
Qarğalar festival yaradardılar.

Alındı yurdumuz, quruldu büsat,
Daha xarı bulbul olubdu azad.
Budurmu həyəcan, budurmu təzad?
Dığalar oynayar, qol açardılar,
Qarğalar festival yaradardar.

Bəradər, bizimdi bu yurd, bu torpaq,
Torpağa olmusdu yağılar ortaq.
Paşinyan özünü sayırdı qoçaq;
Tonqal qalardılar, od çatardılar,
Qarğalar festival yaradardılar.

DEYİRİK

Dünya, sənə deyiləsi sözüm var,
Elə bilmə, sərvətində gözüm var.
Nə istiyə, nə soyuğa dözüm var,
Yayda qışı, qışda yayı deyirik.

Yoxdu özündən böyüyə hörmət də,
Ağdı valideyn üzünə züryət də.
Zalım eyş-işrətdə, fəqir zülmətdə,
Yasamağın çıxıb zayı, deyirik.

Demə, çərxi tərsə dönüb zamanın,
Su yeridən var altından samanın
Qarşısında baş əyirik qananın,
Qanmayan insana ayı deyirik.

Qarabağdan səsi gəlsin "köhlən"in,
O köhlənlər atlarıdı köhnənin.
BMT, ATƏT-də bizim ölkənin,
Taptalanır haqqı-sayı, deyirik.

Bəradər, çox qalıb hələ finala,
Yürüş vaxtıdı cənubdan şimala.
Biz Murova, Dəlidağa, Hinala,
Kəlbəcərin Himalayı deyirik.

TUTUBDU

Acısız şirin yox, şirinsiz acı,
Təzadlı yoğrulub ömrün umacı.
Dərənin düzü var, dağın yamacı,
Ay zülmət gecəyə fanar tutubdu,
Dünya əkslikdə qərar tutubdu.

Zülmətlə işıqdı gündüzlə gecə,
Göz ağı qaradan gərəkdir seçə.
Nə dalan qalıbdı, nə də ki, küçə,
Hərə bir tərəfdə divar tutubdu,
Dünya əkslikdə qərar tutubdu.

Qulluqçu yaşayır ağ gün, qul qara,
Günü, güzaranı olub zil qara.
Bəzi məmurların gözün pul-para,
Fəhlənin əllərin qabar tutubdu,
Dünya əkslikdə qərar tutubdu.

Tərəzi gözudü insanın üzü,
Qarışıq salmayın əyriylə düzü.
Hər gün əvəzləyir gecə gündüzü,
Xeyir-şər məclisi qatar tutubdu,
Dünya əkslikdə qərar tutubdu

Bəradər, hissləri içində boğma,
Tər tökən ölməyir biçində, qorxma.
Mənfiylə müsbətdi ögöylə doğma.
Doğma var, ögeydən tumar tutubdu,
Dünya əkslikdə qərar tutubdu.

ÖMÜR VƏFASIZDI, ZAMAN AMAN AMANSIZ

Zamanı geriyə çəkmək olsaydı,
İndiki ağlımla dönərdim geri;
İxtiyar çağımdan imtina edib,
Gənclik illərimə verərdim yeri.

Sağıma, soluma salardım nəzər,
Haqdan-ədalətdən yazardım əsər.
Hünər meydanında çalardım zəfər,
Olardım ömrümün igid əsgəri.

Günəşin yerini ay edən Allah,
Buludu ağladıb çay edən Allah,
Mənfini müsbətə tay edən Allah,
Əkiz yaradıbdı xeyirlə şəri.

Əlimlə itirdim gör neçə şansı,
Sevinclə kədərldi yaşam balansı.
Ömür vəfasızdı, zaman amansız,
Soyuq arxivdədi gənclik illəri.

Bürcüm tərəzidi, ilim ağ atdı
Əyrilik, axsaqlıq ruhuma yaddı.
Şairlik özü də bir istedaddı,
Yaşadır, tanıdır söz Bəradəri.

ƏLİNDƏDİ

Bu azad həyatdı, bu can əzizim,
Yaşamaq insanın öz əlindədi.
Nədən narazısan, nədən razısan;
Bilmirəm məqsədin gözəlim, nədi?

Nə soyuq ötüşdü, nə isti bu yaz,
Oldu yerbəyerdən fəslə etiraz.
İndi yetərincə mövzu var, di yaz,
Qələm barmağında, söz dilindədi.

Ağac darandıqca qalır tər yeri,
Yas üçün qurulur xeyir-şər yeri.
Yoxsa ki, qurudur əlin hər yeri,
Gör neçə bəd nəzər, göz əlindədi.

Sözün qılıncdısa, özünsə qınsan,
Axtarma özgədə günahı, sınsan.
Bəşərin alisi yaranıb insan,
Əyri nəfsindədi, düz əlindədir.

Bəradər, ünvanın tapar söz indi,
Çatınca ünvana bacar döz indi.
İçindən yandırır odu köz indi,
Ocaq içindədi, köz əlindədi.]]> true https://atributinfo.az/siyaset/50115-mediann-nkiaf-agentliyi-byanat-yayb.html atribut Siyasət / Gündəm Mon, 27 Jul 2026 22:29:14 +0400 Medianın İnkişafı Agentliyi İran İslam Respublikasının Kəşfiyyat Nazirliyi tərəfindən bəzi xarici media subyektlərinin, o cümlədən AzTV-nin “düşmən media qurumları” siyahısına daxil edilməsi və həmin qurumlarla əməkdaşlıq edən şəxslərin cinayət məsuliyyəti ilə hədələnməsi ilə bağlı Bəyanat yayıb:

“İran İslam Respublikasının Kəşfiyyat Nazirliyi tərəfindən bəzi xarici media subyektləri, o cümlədən Azərbaycan Respublikasının dövlət televiziya kanalı olan AzTV-nin “düşmən media qurumları” siyahısına daxil edilməsi və həmin qurumlarla əməkdaşlıq edən şəxslərin cinayət məsuliyyəti ilə hədələnməsi təəccüb doğurur.

Heç şübhəsiz ki, Azərbaycan Respublikası jurnalistlərin peşə fəaliyyətinin müdafiəsinə sadiq olmaqla yanaşı, qarşılıqlılıq prinsipinin tətbiqini də təmin edir. Belə ki, “Media haqqında” Azərbaycan Respublikası Qanununun 11.4-cü maddəsinə əsasən, Media Reyestrinə daxil edilmiş jurnalistlərin peşə fəaliyyətinin həyata keçirilməsinə digər dövlətlər tərəfindən xüsusi məhdudiyyətlər qoyulduqda həmin məhdudiyyətləri tətbiq etmiş dövlətin jurnalistlərinə Azərbaycan Respublikasında da eyni məhdudiyyətlər qoyula bilər.

Müvafiq maddənin tələbləri və qarşılıqlılıq prinsipi nəzərə alınaraq, Azərbaycan Respublikasının milli maraqlarına zidd fəaliyyət göstərən, ölkəmizin suverenliyi, konstitusiya quruluşu, ərazi bütövlüyü və milli təhlükəsizliyi əleyhinə təbliğat aparan media subyektlərinin - “Səhər” telekanalı və “Mehr” xəbər agentliyinin, həmçinin bu subyektlərin nümayəndələrinin Azərbaycan Respublikası ərazisində fəaliyyəti qanunsuz hesab edilir.

Azərbaycan Respublikasında fəaliyyət göstərən bütün media subyektlərini və jurnalistləri ölkəmizin milli maraqlarına qarşı fəaliyyət göstərən yuxarıda adları çəkilən media qurumları və onların əlaqəli nümayəndələri ilə əməkdaşlıqdan çəkinməyə çağırır, media sahəsində beynəlxalq əməkdaşlığın yalnız qarşılıqlı hörmət və jurnalistlərin peşə müstəqilliyi əsasında həyata keçirilməli olduğunu bir daha vurğulayırıq”,- deyə Bəyanatda vurğulanıb.]]> true https://atributinfo.az/siyaset/50065-prezidentin-mtbuat-xidmtinin-mlumat.html atribut Siyasət / Gündəm Fri, 24 Jul 2026 13:34:15 +0400 Azərbaycan Respublikasının Prezidenti İlham Əliyev Özbəkistan Respublikasının Prezidenti Şavkat Mirziyoyevə zəng edib.

Dövlətimizin başçısı Şavkat Mirziyoyevi doğum günü münasibətilə ürəkdən təbrik edib, ona uzun ömür, cansağlığı, qardaş Özbəkistan xalqının xoşbəxt gələcəyi və firavanlığı naminə həyata keçirdiyi şərəfli ali dövləti fəaliyyətində yeni-yeni uğurlar və nailiyyətlər arzulayıb.

Prezident Şavkat Mirziyoyev səmimi təbrikə və xoş sözlərə görə Prezident İlham Əliyevə təşəkkürünü bildirərək, öz növbəsində Azərbaycan xalqına firavanlıq və rifah arzulayıb.

Telefon söhbəti zamanı Azərbaycan-Özbəkistan strateji müttəfiqlik münasibətlərinin əhəmiyyətinə toxunulub, əlaqələrin bütün sahələrdə uğurla inkişaf etməsindən məmnunluq ifadə olunub.

Dövlət başçıları, həmçinin gələcək təmaslar barədə razılıqlarını ifadə edərək, qarşılıqlı maraq doğuran məsələlərə və ikitərəfli münasibətlərin perspektivlərinə dair fikir mübadiləsi aparıblar.]]> true https://atributinfo.az/siyaset/49996-azrbaycan-v-almaniya-prezidentlrinin-tkbtk-goruu-kecirilib.html atribut Siyasət / Gündəm Tue, 21 Jul 2026 14:21:56 +0400 İyulun 21-də Azərbaycan Respublikasının Prezidenti İlham Əliyev Almaniya Federativ Respublikasının Prezidenti Frank-Valter Ştaynmayer ilə görüşmək üçün Berlindəki "Villa Borsig" iqamətgahına gəldi.

Almaniya Prezidenti Frank-Valter Ştaynmayer dövlətimizin başçısını qarşıladı.

Prezident İlham Əliyev burada xatirə kitabını imzaladı.

Sonra Azərbaycan və Almaniya prezidentlərinin təkbətək görüşü keçirilib.]]> true https://atributinfo.az/siyaset/49995-azrbaycan-v-almaniya-prezidentlrinin-geni-trkibd-goruu-olub.html atribut Siyasət / Gündəm Tue, 21 Jul 2026 14:20:36 +0400 İyulun 21-də Berlində Azərbaycan Respublikasının Prezidenti İlham Əliyevin Almaniya Federativ Respublikasının Prezidenti Frank-Valter Ştaynmayer ilə geniş tərkibdə görüşü olub.

Almaniya Prezidenti Azərbaycana səfərini məmnunluqla xatırladı.

Frank-Valter Ştaynmayer dünyada və regionda cərəyan edən hadisələr fonunda Azərbaycanı və Almaniyanı sabitlik adası kimi xarakterizə etdi.

O, Azərbaycan-Ermənistan sülh gündəliyində əldə olunmuş nailiyyətlər münasibətilə təbriklərini çatdırdı.

Almaniya Prezidenti Azərbaycanın Avropanın enerji təhlükəsizliyində oynadığı rolu xüsusi qeyd etdi.

Dövlətimizin başçısı da öz növbəsində Frank-Valter Ştaynmayerin ölkəmizə səfərini məmnunluqla xatırladı.

Azərbaycanın Avropanın enerji təhlükəsizliyində oynadığı rola toxunan Prezident İlham Əliyev ölkəmizin artıq Almaniya və Avstriyaya da qaz ixrac etdiyini dedi.

Söhbət zamanı Azərbaycan ilə Almaniya arasında münasibətlərin dostluq xarakteri daşıdığı qeyd edildi, iqtisadi və biznes əlaqələrinin inkişafı üçün geniş imkanların olduğu bildirildi, dövlətimizin başçısının Almaniyaya bu səfərinin ikitərəfli əməkdaşlığın inkişafına ciddi təkan verəcəyinə əminlik ifadə olundu.

Bu səfər zamanı Azərbaycan-Almaniya əlaqələrinin strateji mahiyyət kəsb etməsi ilə əlaqədar Prezident İlham Əliyev və Kansler Fridrix Mertsin imzalayacağı “Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə”nin əhəmiyyəti vurğulandı.

Görüşdə Avropa Komissiyasının Prezidenti Ursula Fon der Lyayenin Bakıya səfəri xatırlandı, bu xüsusda Azərbaycan-Avropa İttifaqı əlaqələrinin inkişafı qeyd edildi.

Söhbət zamanı Orta Dəhlizin əhəmiyyəti və bu dəhlizdə Azərbaycanın önəmli roluna toxunuldu, Yaxın Şərqdə yaranmış vəziyyət barədə fikir mübadiləsi aparıldı.

]]> true https://atributinfo.az/siyaset/49792-bu-gun-tovuz-doyulrinin-balanmasndan-alt-il-otur.html atribut Siyasət / Gündəm Sun, 12 Jul 2026 13:38:12 +0400 Bu gün Azərbaycan Ordusunun qəhrəmanlıq salnaməsində xüsusi yer tutan Tovuz döyüşlərinin başlanmasından altı il ötür. 2020-ci il iyulun 12-17-də Azərbaycan-Ermənistan dövlət sərhədinin Tovuz istiqamətində baş verən döyüşlər təkcə düşmənin növbəti hərbi təxribatının qarşısını almaqla yadda qalmayıb. Həmin günlər Azərbaycan Ordusunun peşəkarlığını, döyüş ruhunu və xalqın sarsılmaz birliyini nümayiş etdirib və daha sonra 44 günlük Vətən müharibəsində qazanılan Zəfərə aparan yolun ən mühüm mərhələlərindən birinə çevrilib.

2020-ci il iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi intensiv atəşə tutub, daha sonra hücuma keçməyə cəhd göstəriblər. Azərbaycan Ordusunun həyata keçirdiyi operativ cavab tədbirləri nəticəsində düşmənin planı iflasa uğrayıb. Qarşı tərəf ciddi itkilər verərək geri çəkilməyə məcbur olub, mövqelərimizi ələ keçirmək cəhdləri qətiyyətlə puça çıxarılıb. Döyüşlər zamanı Silahlı Qüvvələrimizin üç hərbi qulluqçusu şəhid olub, beş nəfər yaralanıb. Ermənistan ordusu isə canlı qüvvə baxımından çoxsaylı itkilərlə üzləşib.

İyulun 13-nə keçən gecə Ermənistan tərəfi gərginliyi daha da artırmaq məqsədilə iriçaplı pulemyotlardan, qumbaraatanlardan, snayper tüfənglərindən, minaatanlardan və digər artilleriya vasitələrindən istifadə edərək ordumuzun mövqelərini, eləcə də Tovuz rayonunun Ağdam kəndini yenidən atəşə tutub. Düşmənin növbəti təxribatına cavab olaraq Azərbaycan Ordusunun bölmələri daha sərt tədbirlər həyata keçiriblər. Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi nəticəsində qarşı tərəfin dayaq məntəqələri, artilleriya qurğuları, avtomobil texnikası və canlı qüvvəsi məhv edilib. Sarsıdıcı zərbələr düşmənə növbəti ağır itkilər yaşadıb.

Həmin gün Prezident İlham Əliyevin sədrliyi ilə Təhlükəsizlik Şurasının iclası keçirilib. Azərbaycan Ordusunun bölmələri düşmənin döyüş fəallığını məhdudlaşdırmaq və yeni təxribatların qarşısını almaq məqsədilə cəza tədbirlərini davam etdiriblər. Mövqelərimizə növbəti dəfə hücum etməyə çalışan Ermənistan silahlı birləşmələrinin cəhdləri yenə də uğursuzluqla nəticələnib. Qarşı tərəf verdiyi itkiləri gizlətməyə çalışsa da, Azərbaycan Ordusu mövqelərini tam qoruyub və heç bir ərazi itkisinə yol verməyib.

Həmin gün döyüşlər zamanı daha dörd hərbi qulluqçumuz şəhidlik zirvəsinə ucalıb. Ordumuz isə şəhidlərimizin qanını yerdə qoymayaraq düşmənə sarsıdıcı cavab verib. Ermənistan silahlı qüvvələri Tovuz rayonunun Ağdam və Dondar Quşçu kəndlərini minaatan və artilleriya atəşinə məruz qoyduqdan sonra Azərbaycan Ordusu daha genişmiqyaslı cavab tədbirləri həyata keçirib. Düşmənin bir neçə hərbi obyekti və texnikası, atəş mövqeləri, radiolokasiya stansiyası, tabor qərargahı, şəxsi heyəti və digər hərbi infrastrukturu bölmələrimizin dəqiq zərbələri ilə darmadağın edilib.

Şiddətli döyüşlər iyulun 13-dən 14-nə keçən gecə və səhər saatlarında da Tovuz istiqamətində səngiməyib. Ermənistan silahlı qüvvələrinin döyüş fəallığını tamamilə zəiflətmək məqsədilə Azərbaycan Ordusu tərəfindən həyata keçirilən cəza tədbirləri nəticəsində düşmənə məxsus müxtəlif təyinatlı hərbi texnika, döyüş vasitələri, komanda məntəqəsi, müdafiənin dərinliyində yerləşən ehtiyat qüvvələr və canlı qüvvə məhv edilib. İki sutka ərzində endirilən dəqiq və sarsıdıcı zərbələr qarşı tərəfi geri çəkilməyə məcbur edib. Tovuz istiqamətində ciddi itkilərlə üzləşən Ermənistan ordusu təşəbbüsü tamamilə itirib.

İyulun 14-də Ermənistan silahlı birləşmələri Tovuz rayonunun Ağdam, Əlibəyli və Dondar Quşçu kəndlərini iriçaplı silahlar və artilleriya qurğularından intensiv atəşə tutub. Həmin gün döyüş meydanında Azərbaycan Ordusunun general-mayoru Polad Həşimov, polkovnik İlqar Mirzəyev və daha beş hərbi qulluqçu qəhrəmancasına şəhid olublar. General-mayor Polad Həşimov, polkovnik İlqar Mirzəyevin ön xətdə, şəxsi heyətlə çiyin-çiyinə döyüşməsi Azərbaycan zabitinin peşəkarlığını, fədakarlığını və Vətənə sədaqətini bir daha nümayiş etdirib.

Həmin gün Tovuz istiqamətində ağır döyüşlər davam edərkən Ermənistan yaşayış məntəqələrini və mülki əhalini də hədəfə alıb. Baş verən hadisələrdən sonra Azərbaycan Prezidenti, Ali Baş Komandan İlham Əliyev Ermənistana qarşı cəza əməliyyatının başlanmasına dair göstəriş verib. Elə həmin gün düşmənə qarşı cavab tədbirləri daha da genişləndirilib. Azərbaycan Ordusu şəhidlərimizin qisasını qısa müddətdə alıb. Qarşı tərəf döyüş meydanında üstünlüyü itirdikcə yenə də yaşayış məntəqələrini atəşə tutmağa başlayıb. Ermənistan silahlı qüvvələrinin artilleriya atəşi nəticəsində Tovuz rayonunun Ağdam kəndinin bir sakini həlak olub.

Düşmənə məxsus pilotsuz uçuş aparatı vurulduqdan sonra onun atəş mövqeyində yerləşən artilleriya qurğusu bölmələrimizin sərrast zərbəsi ilə məhv edilib. Bununla yanaşı, düşmənin döyüş fəaliyyətini iflic etmək məqsədilə artilleriya divizionunun idarəetmə məntəqəsi də Azərbaycan Ordusunun dəqiq atəşi nəticəsində sıradan çıxarılıb.

İyulun 15-də həyata keçirilən cəza tədbirləri nəticəsində Ermənistan silahlı qüvvələrinə məxsus döyüş texnikası və daha bir bölüyün dayaq məntəqəsi məhv edilib. Qarşı tərəf cəbhənin müxtəlif istiqamətlərində iriçaplı pulemyotlar, snayper tüfəngləri, minaatanlar və digər artilleriya vasitələri ilə mövqelərimizi atəşə tutsa da, ordumuzun cavab atəşi nəticəsində bütün atəş nöqtələri susdurulub. Tovuz rayonu istiqamətində mövqelərimizi və yaşayış məntəqələrimizi hədəfə alan düşmənin uzunmüddətli atəş nöqtələri və dayaq məntəqəsi də darmadağın edilib.

Tovuz döyüşlərinin ən mühüm nəticələrindən biri xalqla ordunun sarsılmaz həmrəyliyinin bütün dünyaya nümayiş etdirilməsi oldu. İyulun 14-dən 15-nə keçən gecə on minlərlə insan Bakıda yürüş keçirərək Azərbaycan Ordusuna dəstəyini ifadə etdi. Növbəti günlərdə isə minlərlə gənc könüllü şəkildə Səfərbərlik və Hərbi Xidmətə Çağırış üzrə Dövlət Xidmətinin yerli bölmələrinə müraciət edərək ordu sıralarında xidmət etmək istədiklərini bildirdilər.

Nazirlər Kabinetinin iyulun 15-də keçirilmiş iclasında Prezident, Ali Baş Komandan İlham Əliyevin “Əgər kimsə, hansısa vətənpərvər insan orduda xidmət etmək istəyirsə, mən bunu ancaq alqışlayıram” çağırışı cəmiyyətdə böyük əks-səda doğurdu. Bu çağırışa səs verən minlərlə vətəndaş könüllü olaraq orduda xidmətə yazılmaq üçün müvafiq qurumlara üz tutdu və qeydiyyata alındı.

İyulun 16-da səhər saatlarında Ermənistan silahlı qüvvələri mövqelərimizə növbəti dəfə hücum etməyə cəhd göstərərək Tovuz rayonunun Ağdam, Dondar Quşçu və Vahidli kəndlərini iriçaplı silahlar və minaatanlardan atəşə tutub. Azərbaycan Ordusunun qətiyyətli cavabı nəticəsində düşmənin bütün cəhdləri puça çıxarılıb və onun atəş nöqtələri susdurulub.

İyulun 17-də Tovuz rayonu istiqamətində nisbi sakitlik müşahidə olunsa da, sərhəd boyunca gərgin vəziyyət davam edib.

Beləliklə, bir neçə gün davam edən Tovuz döyüşləri Azərbaycan Ordusunun yüksək döyüş hazırlığını, peşəkarlığını və qətiyyətini bir daha nümayiş etdirdi. Döyüşlər zamanı Silahlı Qüvvələrimizin 12 hərbi qulluqçusu şəhidlik zirvəsinə ucaldı, bir mülki şəxs həyatını itirdi. Qarşı tərəf isə 100-dən çox hərbçisini, eləcə də çoxlu sayda döyüş texnikasını itirdi. Azərbaycan xalqı Vətən uğrunda canından keçən igid oğullarını böyük izdiham və ehtiramla son mənzilə yola saldı.

Prezident İlham Əliyevin 2020-ci il dekabrın 9-da imzaladığı Sərəncama əsasən, Azərbaycan Respublikasının ərazi bütövlüyünün bərpa edilməsində xüsusi xidmətlərinə və döyüş tapşırıqlarını yerinə yetirərkən göstərdiyi igidliyə görə general-mayor Polad Həşimova və polkovnik İlqar Mirzəyevə “Azərbaycanın Milli Qəhrəmanı” adı verilib.

Tovuz döyüşlərində qazanılan üstünlük, nümayiş etdirilən qətiyyət və xalqla ordunun yaratdığı sarsılmaz birlik cəmi iki ay yarım sonra Azərbaycanın taleyini dəyişən tarixi hadisələrin əsasını təşkil etdi. 2020-ci il sentyabrın 27-də Ermənistanın növbəti hərbi təxribatına cavab olaraq Azərbaycan Ordusu genişmiqyaslı əks-hücum əməliyyatına başladı. Ali Baş Komandan İlham Əliyevin rəhbərliyi ilə həyata keçirilən 44 günlük Vətən müharibəsində Silahlı Qüvvələrimiz işğal altında olan torpaqları azad edərək ölkəmizin ərazi bütövlüyünü bərpa etdi. Bu tarixi Qələbə Azərbaycanın hərb salnaməsinə qızıl hərflərlə yazıldı.

Vətən müharibəsindən sonra da Silahlı Qüvvələrin inkişafı dövlət siyasətinin əsas istiqamətlərindən biri olaraq qaldı. Ordunun maddi-texniki bazasının gücləndirilməsi, müasir silah və texnika ilə təchizatı, şəxsi heyətin peşəkarlığının artırılması istiqamətində ardıcıl addımlar atıldı. Müharibə zamanı qazanılan təcrübə yeni hazırlıq konsepsiyalarında öz əksini tapdı və Azərbaycan Ordusunun döyüş imkanları daha da yüksəldi.

Bununla belə, Vətən müharibəsində ağır məğlubiyyətə uğrayan Ermənistan müxtəlif vaxtlarda ölkəmizə qarşı hərbi təxribatlarını davam etdirdi. Azərbaycan isə təhlükəsizliyinə və suverenliyinə yönələn bütün təhdidlərin qarşısını qətiyyətlə aldı.

2023-cü il sentyabrın 19–20-də həyata keçirilən lokal xarakterli antiterror tədbirləri də bu qətiyyətin növbəti nümunəsinə çevrildi. Azərbaycan Ordusu yüksək peşəkarlıq və dəqiq planlaşdırılmış əməliyyatlarla 24 saatdan da az müddətdə Qarabağ bölgəsində mövcud olan qanunsuz silahlı birləşmələrin, terrorçu qrupların və separatçı rejimin fəaliyyətinə son qoydu. Bununla da ölkəmizin bütün ərazisində konstitusiya quruluşu və dövlət suverenliyi tam təmin edildi.

Bu hadisələrin ardıcıllığı bir daha göstərdi ki, 2020-ci ilin iyulunda Tovuz istiqamətində qazanılan uğurlar təsadüfi deyildi. Həmin döyüşlər Azərbaycan Ordusunun döyüş ruhunun, peşəkarlığının və qələbə əzminin parlaq təzahürü olmaqla yanaşı, sonrakı tarixi zəfərlərin də mənəvi və hərbi təməlini formalaşdırdı.

Bu gün Tovuz döyüşləri Azərbaycanın müasir hərb tarixinin dönüş nöqtələrindən biri kimi qiymətləndirilir. Həmin günlərdə ordumuz düşmənin təxribatlarının qarşısını qətiyyətlə almaqla yanaşı, döyüş meydanında üstünlüyünü nümayiş etdirdi, xalq isə misilsiz birlik və həmrəylik göstərərək Silahlı Qüvvələrin yanında olduğunu bütün dünyaya nümayiş etdirdi.

Tovuz döyüşləri bir daha sübut etdi ki, güclü ordu ilə xalqın sarsılmaz birliyi Azərbaycanın ən böyük dayağıdır. Məhz bu birlik sonradan 44 günlük Vətən müharibəsində tarixi Zəfərin qazanılmasına mühüm töhfə verdi.

Vətən uğrunda canından keçən şəhidlərimizin əziz xatirəsi Azərbaycan xalqının qəlbində daim yaşayacaq. Onların göstərdiyi igidlik, Vətənə sədaqət və fədakarlıq gələcək nəsillər üçün örnək olaraq qalacaq. Tovuz döyüşləri isə təkcə qəhrəmanlıq salnaməsi deyil, həm də Böyük Zəfərə aparan yolun ən mühüm mərhələlərindən biri kimi tarixdə öz layiqli yerini qoruyacaq.

]]> true https://atributinfo.az/siyaset/49574-prezident-lham-liyev-v-avropa-komissiyasnn-prezidenti-mtbuata-byanatlarla-cx-ediblr.html atribut Siyasət / Gündəm Thu, 02 Jul 2026 11:42:46 +0400 Azərbaycan Respublikasının Prezidenti İlham Əliyev və Avropa Komissiyasının Prezidenti Ursula Fon der Lyayen iyulun 1-də mətbuata bəyanatlarla çıxış ediblər.

Əvvəlcə dövlətimizin başçısı bəyanatla çıxış etdi.

Prezident İlham Əliyevin
bəyanatı

-Hörmətli xanım Prezident, hörmətli qonaqlar, xanımlar və cənablar.

Xanım Prezident, Azərbaycana xoş gəlmisiniz. Sizi yenidən görməyimə çox şadam. Biz ötən ilin may və oktyabr aylarında Avropa Siyasi Birliyinin Zirvə görüşlərində iki dəfə görüşmüşük və ikitərəfli gündəliyimizi, həmçinin bir çox digər məsələləri geniş müzakirə etmişik.

Yeri gəlmişkən, Avropa Komissiyası ilə Azərbaycan arasında münasibətlərin çox mühüm mərhələsindəyik. Bu ilin martında biz Avropa İttifaqı Şurasının Prezidenti cənab Koştanı, sonra may ayında isə Avropa diplomatiyasının rəhbəri xanım Kallası qəbul etdik. Bu gün isə Avropa Komissiyasının Prezidenti bizimlədir.

Beləliklə, deyərdim ki, əməkdaşlığımızı genişləndirmək və tərəfdaşlığımızı gücləndirmək məqsədilə hər iki tərəfin qarşılıqlı iradəsini əks etdirən münasibətlərimizdə görünməmiş dinamika müşahidə olunur. Biz Avropa Komissiyası ilə münasibətləri yüksək dəyərləndiririk. Bu gün xanım Prezident və nümayəndə heyətləri ilə birgə çox böyük təəssürat bağışlayan gündəliyi geniş şəkildə müzakirə etdik.

Avropa İttifaqı Azərbaycanın əsas ticarət tərəfdaşıdır. Ticarətimizin 40 faizdən çoxu üzv dövlətlərlə aparılır və Azərbaycan Avropa İttifaqı üçün Cənubi Qafqazda əsas ticarət tərəfdaşıdır. Cənubi Qafqazda ticarətin təxminən 70 faizi Azərbaycanla aparılır. Əlbəttə ki, biz enerji sahəsində əməkdaşlığımızı geniş müzakirə etdik və həmçinin xanım Prezidentin Azərbaycana dörd il əvvəlki səfəri də olduqca əhəmiyyətli idi.

Bu baxımdan biz enerji sahəsində Strateji Tərəfdaşlıq Haqqında Anlaşma Memorandumunu imzaladıq və həmin vaxtdan etibarən Avropa İttifaqının üzv dövlətlərinə Azərbaycanın təbii qaz ixracı təxminən 65 faiz artmışdır. Bu gün qaz ixracımızın yarısı Avropa İttifaqının üzv dövlətlərinə gedir və bütövlükdə, Avropa İttifaqının 10 üzvü Azərbaycan qazını alır, bu coğrafiyanı genişləndirmək potensialı da mövcuddur.

Bu gün hər ölkə üçün enerji təhlükəsizliyi milli təhlükəsizliyin ən mühüm amilidir. Azərbaycan böyük dərəcədə siyasi səylər qoymuş, diplomatik fəaliyyət aparmış və həmçinin neftimizin, qazımızın nəqli üçün infrastrukturun qurulmasına maliyyə sərmayələri yatırmışdır. Cənub Qaz Dəhlizi ümumi fəaliyyətimizin gözəl nümunəsidir. Bu gün 3500 kilometrlik vahid boru kəməri sistemləri təbii qazın Azərbaycandan Avropaya nəqlində əsas arteriya hesab edilir.

Bağlantı birmənalı olaraq müzakirələrimizin mühüm hissələrindən biridir. Azərbaycan regional daşımalar layihələrinin bir çox hallarda fəal iştirakçısı və təşəbbüskarıdır. Şərq-Qərb və Şimal-Cənub daşımalar dəhlizləri Azərbaycandan keçir və qonşularımızla, həmçinin qonşularımızın qonşuları ilə yaxşı münasibətləri bizə bütün iştirakçılara fayda gətirən çox geniş əməkdaşlıq formatını qurmağa imkan yaratdı.

Bu gün Azərbaycandan keçən yüklərin həcmi bütün istiqamətlərdə artır. Biz Azərbaycanda və qonşuluqda daşımalar infrastrukturuna böyük sərmayələr yatırdıq və bunu davam etdiririk. Yeni geosiyasi vəziyyətə gəldikdə isə görürük ki, ticarət üçün dəniz limanlarımızın, dəmir yolu infrastrukturunun imkanlarının genişləndirilməsinə ehtiyac duyulur. Bütün bunları biz cədvələ və öz maliyyə imkanlarımıza uyğun edirik.

Avropa Komissiyası ilə münasibətlərimizin kifayət dərəcədə yeni hissəsi bərpaolunan enerji ilə bağlıdır. Biz xanım Prezidentlə, həmçinin Azərbaycanın Günəş, külək və su elektrik enerji potensialını, o cümlədən artıq mövcud ötürmə xətlərini və tikiləcək yeni xətləri geniş şəkildə müzakirə etdik. Bu baxımdan biz, həmçinin strateji tərəfdaş ola bilərik.

Mən xanım Prezidentə məlumat verdim ki, indiyədək xarici və yerli şirkətlərlə imzalanmış müqavilələr bizə növbəti beş və ya altı il ərzində səkkiz giqavat Günəş və külək enerjisini əldə etmək imkanı verəcək. Bunlar yalnız imzalanan müqavilələrə aiddir və öz növbəsində, müqavilə öhdəliyi deməkdir. Lakin birmənalı olaraq, daha çox həcmlər olacaq.

Əlbəttə ki, regional təhlükəsizlik məsələlərini, xüsusən də uğurla gedən Azərbaycan ilə Ermənistan arasında normallaşma prosesini geniş şəkildə müzakirə etdik. Ötən ilin avqustunda Vaşinqtonda, Ağ Evdə Prezident Trampın iştirakı ilə Ermənistan və Azərbaycan Birgə Bəyannaməni imzaladılar. Prezident Tramp, həmçinin şahid kimi imzaladı və əlavə olaraq Ermənistan ilə Azərbaycan sülh sazişinin mətnini parafladılar. Beləliklə, de-fakto sülh qurulub və biz faydasını görürük.

Sülhü təkcə kağız üzərində deyil, gündəlik həyatda hiss etdiyimizi nümayiş etdirmək üçün bir çox birtərəfli addımlar atdıq. Azərbaycan öz ərazisi ilə Ermənistana daşınan yüklərin tranzitinə bütün məhdudiyyətləri aradan qaldırıb. Həmin məhdudiyyətlər beynəlxalq səviyyədə tanınmış ərazilərimizin Ermənistan tərəfindən işğalı səbəbindən tətbiq edilmişdi. Biz, həmçinin çox mühüm yanacağı, xüsusən də benzin və dizeli Ermənistana təchiz etməyə başlamışıq. Bu günün geosiyasi vəziyyətinə gəldikdə, onun əhəmiyyəti heç zaman olmadığı qədər daha da artır.

Beləliklə, biz göstəririk ki, sülh bizim üçün artıq hiss olunan məfhumdur, onu hiss edə bilirik və sülh şəraitində yaşamağı öyrənirik. Torpaqlarımız 30 il ərzində işğal altında qalmışdı. Biz suverenliyimizi, ərazi bütövlüyümüzü güc və siyasi vasitələrlə bərpa etdik. Biz Ermənistana sülh təklif etmişik.

Bir sözlə, sülh artıq reallıqdır. Lakin biz onu gücləndirmək, uzunmüddətli və əbədi etmək üçün ürəkdən çalışmalıyıq. Əlbəttə, biz Avropa Komissiyasının dəstəyini çox yüksək dəyərləndiririk.

Xanım Prezident, həmçinin mənə məlumat verdi ki, Avropa Komissiyası çox kömək edə bilər və bunu arzulayır. Bu baxımdan biz hər hansı köməyi, hər hansı yardımı yüksək dəyərləndirərdik. Düşünürəm ki, bütün bunlar regiondakı dinamikanı gücləndirərək Cənubi Qafqazı hər hansı ərazi iddialarından, hər hansı münaqişədən azad, tərəfdaşlıq, əməkdaşlıq və sülh regionuna çevirəcək.

Xanım Prezident, bir daha Azərbaycana xoş gəlmisiniz. Sizə xoş səfər arzu edirik.

x x x

Sonra Avropa Komissiyasının Prezidenti bəyanatla çıxış etdi.

Prezident Ursula Fon der Lyayenin
bəyanatı
-Prezident Əliyev, səmimi qəbulunuza görə təşəkkür edirəm.

Bakıya qayıtmaq xoşdur. Bu, möhtəşəm şəhərdir, burada zəngin və qədim irs cazibəli müasir memarlıqla qovuşur. Bu, bu gün gördüyümüz Azərbaycanın gələcəyə yönəlmiş planlarının təzahürüdür. Bu gün mən Avropa İttifaqı üçün olduqca əhəmiyyətli tərəfdaşlığı dərinləşdirmək məqsədilə buradayam. Bu tərəfdaşlıq Prezidentin indicə təsvir etdiyi kimi real təkana malikdir. Lakin ilk növbədə, icazə verin, bu regionda bir neçə onilliklər baxımından baş vermiş ən mühüm hadisəyə istinad edim. Sülh. İcazə verin, Ermənistanla tarixi sülh müqaviləsini başlatmağınız münasibətilə Sizi təbrik edim. Siz regionda sülhün və əməkdaşlığın təşviq olunmasında şəxsi liderlik keyfiyyətlərini nümayiş etdirdiniz. Bu, sabitlik, etimad və ortaq rifah üçün yeni imkanlar yaradır. Avropa İttifaqı bu prosesi qəti şəkildə dəstəkləyir. Biz bunu davam etdirəcəyik. Biz kağız üzərində sülhü birlikdə real sülhə çevirə bilərik. Məhz buna görə biz bu gün burada birlikdə çalışırıq.

Bu məni bu gün açıqlayacağım ilk xəbərə gətirib çıxarır. Biz bağlantı vasitəsilə sülhü gücləndirmək istəyirik. Biz “Qlobal Qapılar” Sərmayə Proqramımız vasitəsilə Cənubi Qafqazda nəqliyyata, enerjiyə və rəqəmsal keçidlərə 200 milyon avroya qədər qrant şəklində sərmayə yatıracağıq. Bunun dövlət və özəl sərmayələr formasında 2 milyard avroya qədər vəsaitləri cəlb etmək potensialı var. Layihələrə Naxçıvandan keçən dəmir yolu bağlantısı və ya Bakı limanının inkişaf etdirilməsi daxil ola bilər.

Cənubi Qafqaz Avropanı, Xəzər regionunu və Mərkəzi Asiyanı birləşdirən dünyanın ən möhtəşəm kəsişmələrindən biridir. Onun strateji əhəmiyyəti artmaqda davam edir. Azərbaycan burada əsas rol oynaya bilər. Regional əməkdaşlığı və sabitliyi irəli aparmaq üçün çox az sayda ölkənin sizin ölkəniz kimi yerləşməsi var. Azərbaycan öz strateji coğrafiyasını artan iqtisadi, siyasi və regional nüfuzu ilə düşünülmüş şəkildə birləşdirir. Məhz buna görə biz Avropa İttifaqı-Azərbaycan Bağlantı Tərəfdaşlığının başlanılmasını təklif edirik. Bu, nəqliyyat, enerji və rəqəmsal bağlantını əhatə etməklə Yüksəksəviyyəli Bağlantı Dialoqu ilə sıx bağlıdır. Həmçinin yaxşı olardı ki, burada - Bakıda Regional Bağlantı Sərmayə Konfransının təşkil edilməsi üzərində də işləyək. Beləliklə Avropanı, Cənubi Qafqazı və Mərkəzi Asiyanı bir araya gətirəcəyik.

Açıqladığım ikinci yeni xəbər 20 milyon avro dəyərində olan sülhün inkişafı proqramı ilə bağlıdır. Biz sülhün regionda bərqərar olmasına, sülhün verdiyi faydaların insanların, sərhəd regionlarında yaşayanların gündəlik həyatlarında görünməsinə birlikdə kömək etmək istəyirik. Biz, məsələn, təcili yardım maşınlarının təchiz olunması ilə daha yaxşı səhiyyəyə sərmayə yatıracağıq. Biz, həmçinin minatəmizləmə vasitəsilə təhlükəsizliyə diqqət yetirəcəyik. Biz kənd yerlərinin inkişafı, suyun təchizatı, bu günün dili ilə desək, dəqiq əkinçilik və bu kimi sahələr vasitəsilə daha güclü yerli icmaların inkişafına sərmayə yatıracağıq və əlbəttə ki, kiçik və orta müəssisələrə dəstək göstərəcəyik.

İndi isə icazə verin, enerjiyə keçim. O, tərəfdaşlığımızın ən güclü pillələrindən biri kimi qalmağa davam edir. Son illərdə Azərbaycan Avropa İttifaqı üçün etibarlı enerji tərəfdaşı olduğunu sübuta yetirmişdir. Biz Rusiyanın enerjini silah kimi istifadə etdiyi və qazı kəsdiyi zaman Azərbaycanın irəliyə çıxdığını unutmamışıq. Cənub Qaz Dəhlizi həqiqətən Avropanın enerji təhlükəsizliyini gücləndirib və bu, heyrətamiz uğur hekayəsidir. Mən buna görə Sizə təşəkkürümü ifadə etmək istəyirəm. İndi biz növbəti səhifəni hazırlayırıq. Azərbaycan gələcəyin enerjisinə sərmayə yatırır. Xəzər dənizində külək enerjisini istehsal etmək kimi planlarınız var. Sizin təmiz elektrik enerjisi qovşağına çevrilmək üçün həm planınız, həm potensialınız var. Bu da Avropa İttifaqının özünün təmiz enerjiyə keçid prosesi ilə tamamilə uzlaşır. Beləliklə biz bərpaolunan enerji mənbələri, elektrik enerjisinin qarşılıqlı nəqli və regional enerji şəbəkələri kimi sahələrdə əməkdaşlığımızı dərinləşdirmək üçün nəhəng potensialı görürük. Azərbaycanı Avropa İttifaqı ilə birləşdirən “Yaşıl Enerji Dəhlizi”ni qurmaq üçün planlarınızı alqışlayırıq. Bərpaolunan enerji mənbələrinin daha çox istehsalı ixrac üçün daha artıq qaza qənaət edə və qonşularla bölüşərək regional enerji təhlükəsizliyini gücləndirə bilər. Biz Sizin Ermənistana gedən elektrik enerjisi kabeli ilə bağlı təklifinizi çox alqışlayırıq. Bu, çox maraqlı məqamdır. Beləliklə mənim təsvir etdiklərim əsasən odur ki, bərpaolunan enerji mənbələri iqtisadiyyatlarımızın gələcəyini irəli aparır. Burada - Cənubi Qafqazda bu proseslər, həmçinin sülhün irəli aparılmasına kömək edə bilər.

Nəhayət biz iqtisadi tərəfdaşlığımızın dərinləşdirilməsi yollarını müzakirə etdik. Avropa İttifaqı artıq Azərbaycanın ən böyük ticarət tərəfdaşı və ən iri sərmayədarıdır. Hazırda bu işi davam etdirmək istəyirik. Yeni hərtərəfli saziş üzərində müzakirələrin yenidən başlanması vacib bir addımdır. Bu, Azərbaycan ilə Avropa İttifaqı arasında hətta daha çox ticarətin aparılması üçün imkanlara yol aça bilər və biz bu məsələdə tərəqqiyə nail olmaq üçün birlikdə çalışacağıq.

Prezident Əliyev, Avropa İttifaqı bu regionun parlaq gələcəyinə inanır. Beləliklə gəlin, dinc Cənubi Qafqaz naminə, Avropaya, Xəzər regionuna və Mərkəzi Asiyaya bağlantısı olan Cənubi Qafqaz naminə, aramızdakı həmişəkindən daha güclü tərəfdaşlıq naminə birlikdə çalışaq. Çox sağ olun.
]]> true https://atributinfo.az/sosial/49568-leyla-liyeva-yevlaxda-cum-mscidini-ziyart-edib.html atribut Sosial / Gündəm Thu, 02 Jul 2026 11:34:47 +0400 İyulun 1-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Yevlax şəhərinə səfəri çərçivəsində Cümə məscidini ziyarət edib.

Leyla Əliyeva məsciddə dini ayinlərin icrası və ibadət üçün yaradılmış şəraitlə yaxından tanış olub.

Məscidin imamı bildirib ki, Cümə məscidi 1998-ci ildə istifadəyə verilib. Məsciddə eyni anda 600-ə yaxın şəxs ibadət edə bilər. Azad edilmiş ərazilərdə məscidlərin bərpasının din xadimlərini, ibadət əhlini xüsusilə sevindirdiyini bildirən imam Cümə məscidinin də dövlət qayğısı ilə əhatə olunduğunu diqqətə çatdırıb, ölkə rəhbərliyinə minnətdarlığını ifadə edib.

Ziyarətin sonunda Leyla Əliyevaya “Qurani-Kərim” hədiyyə edilib.


]]>