Müasir Azərbaycan mətbuatının, ədəbi-ictimai düşüncəsinin parlaq simalarından biri — Azərbaycan Mətbuat Şurasının sədri, Yazıçılar Birliyinin sədr müavini, Əməkdar mədəniyyət işçisi Rəşad Məcid bu günkü müdriklik yaşına məhz belə zəngin, şərəfli və dəyərli mirasla qədəm qoyur.
1964-cü ildə Ağcabədidə dünyaya göz açan, uşaqlıq və ilk gənclik illərini Qarabağın ruhu, mədəniyyət ocağı olan Ağdamda keçirən Rəşad Məcidin həyat yolu elə ilk qədəmlərdən elmə, sözə, poeziyaya və mətbuata sıx bağlanıb. Qarabağ torpağının verdiyi mənəvi duyum və sözə olan ehtiram onun gələcək taleyini müəyyənləşdirdi. Bakı Dövlət Universitetinin Jurnalistika fakültəsində aldığı təhsil onun daxili potensialını üzə çıxarmaq üçün böyük bir təkan oldu. Əmək fəaliyyətinə "Elm və həyat" jurnalında korrektor kimi başlayan Rəşad Məcid, öz tükənməz zəhməti, əməksevərliyi, istedadı və peşəsinə olan sonsuz sevgisi sayəsində addım-addım yüksələrək ustad jurnalist səviyyəsinə çatdı. Rəşad Məcid adını müasir Azərbaycan mətbuatı tarixinə qızıl hərflərlə yazdıran əsas amillərdən biri, şübhəsiz ki, 1992-ci ildə əsasını qoyduğu və uzun illər rəhbərlik etdiyi "525-ci qəzet"dir. Müstəqilliyimizin ilk çətin, burulğanlı illərində işıq yüzü görən bu nəşr azad sözün, obyektiv və tərəfsiz jurnalistikanın bayraqdarına çevrildi. "525-ci qəzet" təkcə bir informasiya vasitəsi olmadı, həm də neçə-neçə gənc qələm sahibinin, istedadlı jurnalistin yetişdiyi əsl yaradıcılıq məktəbi, mətbuat akademiyası rolu oynadı.
Məhz "525-ci qəzet"dəki prinsipial mövqeyi və özünəməxsus dəsti-xətti sayəsində Rəşad Məcid milli mətbuatımızda müstəqil və bütöv ziyalı obrazını uca tutan xadimlərdən birinə çevrildi.
Onun fəaliyyəti təkcə qəzetçilik çərçivəsi ilə məhdudlaşmır, o, həm də incə, həssas qəlbli şair, qələmini ustalıqla işlədən, cəmiyyəti düşünməyə vadar edən publisistdir. Onun "O — La Donna", "Bir də gəlməyəcək", "Dəlicəsinə", "Qələmsiz yazılanlar" kimi kitabları təkcə Azərbaycanda deyil, İtaliyada, Türkiyədə, Gürcüstanda və başqa ölkələrdə tərcümə olunaraq geniş oxucu auditoriyasının rəğbətini qazanıb. Rəşad Məcidin səmimi, duyğulu şeirlərinə bəstələnmiş nəğmələr isə bu gün də dinləyicilərin ruhuna ruh verən, mənəviyyatımızı zənginləşdirən musiqi inciləridir.
Rəşad Məcid eyni zamanda dövlətçilik ənənələrinə, milli və dövləti maraqlara sonsuz sadiq olan ictimai xadimdir. Əsir və İtkin Düşmüş, Girov Götürülmüş Vətəndaşlarla Əlaqədar Dövlət Komissiyasında, Əfv Məsələləri Komissiyasında və Mətbuat Şurasındakı çoxtərəfli fəaliyyəti, beynəlxalq kürsülərdə, o cümlədən AŞPA-da Azərbaycanın haqq səsini ləyaqətlə müdafiə etməsi onun vətəndaşlıq mövqeyinin və yüksək cavabdehlik hissinin bariz göstəricisidir. Dövlətimiz tərəfindən 2-ci dərəcəli "Vətənə xidmətə görə" ordeni, müxtəlif yubiley medalları və fəxri diplomlarla təltif olunması bu böyük xidmətlərə verilən uca qiymətin təzahürüdür.
Ziyalı üçün 61 yaş kamillik, zəngin təcrübənin yekunlaşdığı və yeni yaradıcılıq üfüqlərinin açıldığı xüsusi bir mərhələdir. Bu gün də mətbuatımızın inkişafı, sözün nüfuzunun qorunması, gənc yazar və jurnalistlərin formalaşması üçün yorulmadan çalışan Rəşad Məcidə möhkəm canvsağlığı, tükənməz ilham və yeni-yeni yaradıcılıq uğurları arzulayırıq.
Qələminiz həmişə kəsərli, sözünüz qüdrətli, addımlarınız mətin olsun! Yeni kitablarınız, oxucuların qəlbini oxşayan incə şeirləriniz və dərin məzmunlu məqalələrinizlə hələ uzun illər Azərbaycan mədəniyyətinə və mətbuatına xidmət edəsiniz!

Aynurə Əliyeva

ADPU Elmi-Tədqiqat Mərkəzinin elmi işçisi,
Filologiya fakültəsinin müəllimi

Məktəbəqədər və Ümumi Təhsil üzrə Dövlət Agentliyindən bildirilib ki, müsahibə mərhələsi avqustun 26-dan sentyabrın 2-dək davam edəcək.

Müsahibə mərhələsində namizədlərin peşəkar səriştələri, psixoloji hazırlığı və ümumi dünyagörüşü müsahibə proqramına uyğun olaraq müvafiq komissiya tərəfindən qiymətləndiriləcək. Uğur qazanan namizədlər ümumi təhsil müəssisələrində müddətsiz əmək müqaviləsi ilə çalışmaq imkanı əldə edəcəklər.

Namizədlər şəxsi səhifələrində qeyd olunan tarixdə müsahibə mərhələsində iştirak etmədikləri halda bu, seçdikləri vakant yerdən imtina kimi qeydə alınacaq və həmin namizədlərin müddətli əmək müqaviləsi ilə işə qəbul turlarında iştirakı təmin olunmayacaq.

“Natəvan Azərbaycan mədəniyyətinin parlaq simalarından biridir. Onun töhfəsi böyükdür: o, şairə, mesenat və incəsənətin himayədarı olub. O, yaradıcı insanların bir araya gəldiyi “Məclisi-Üns” ədəbi məclisini yaradıb və ona uğurla rəhbərlik edib. Natəvan poeziya ilə yanaşı, xəttatlıqla da məşğul olub, mədəni həyatın inkişafına töhfə verib, istedadlı insanlara dəstək göstərib və ana dilinin inkişafına kömək edib. Müasir Azərbaycan üçün Natəvan mədəni irsin, milli qürurun və qadın gücünün təcəssümüdür.

Natəvan öz dövründə şəxsi yaşantılarını yaradıcılığında əks etdirən azsaylı qadın şairlərdən biridir. O, XIX əsr Azərbaycan ədəbiyyatında etiraf xarakterli lirikanın əsasını qoyanlardan biri hesab olunur”, - deyə həmsöhbətimiz qeyd edib.

Onun sözlərinə görə, Natəvanın yaradıcılığı bu gün də maraqlı və aktual olaraq qalır, həmçinin incəsənət adamlarını ilhamlandırır.

“Natəvan dərin hisslər, məhəbbət faciəsi, sosial ədalətsizlik, humanizm, daxili azadlıq haqqında yazıb... Onun yaradıcılığı bu gün də şairləri hisslər haqqında cəsarətlə danışmağa, mədəni kodları yenidən dərk etməyə və nəsillər arasında dialoqu dəstəkləməyə ruhlandırır.

“Natəvanın şeirləri şəxsi yaşantıların zaman çərçivələrinə sığmadığını dərk etməyə kömək edir”, - deyə S.Sübhi vurğulayıb.

Şairə Natəvanın onun üçün sevimli əsərlərindən birinin “Qızılgül” şeiri olduğunu bildirib.

“Bu yaxınlarda Bakıda “İrana Qasımova ilə Poeziya klassikası” layihəsi çərçivəsində Natəvanın yaradıcılığına həsr olunmuş poeziya gecəsi keçirildi və həmin tədbirdə onun şeirləri səsləndirildi. Mən də sevdiyim “Əgərçi xoşdu mənə ətri, həm səfası gülün...” şeirini söylədim. Qəzəl janrında yazılmış bu əsərdə Natəvan Şərq poeziyası üçün ənənəvi olan Qızılgül və Bülbül obrazlarına müraciət edir.

Qızılgül əlçatmaz və ötəri gözəlliyin rəmzidir. Onun tikanları məhəbbətin gətirdiyi ağrını, Bülbül isə sevən, lakin iztirab çəkən insanı təcəssüm etdirir. Şeirdə payızın gəlişi ilə Qızılgülün ləçəklərini itirməsi gözəlliyin solmasının rəmzi kimi təqdim olunur. Əsərin digər hissəsində müəllif aşiq Bülbülün iztirabları fonunda Qızılgülün də taleyinin əvvəlcədən müəyyənləşdiyini və onun məhkumluğunu göstərir. Aşiq Bülbül Qızılgülə heç bir şəkildə kömək edə bilmir. Natəvan isə Qızılgülə rəğbətini ifadə edərək onun gözəl obrazını şeirlə əbədiləşdirir.

Azərbaycan Respublikasının Diasporla İş üzrə Dövlət Komitəsinin dəstəyi və layihələri çərçivəsində Gürcüstanın Batumi şəhərində “M.F.Axundov adına Gürcüstan-Azərbaycan Xeyriyyə Cəmiyyəti” fəaliyyətə başlayıb.

Bu barədə Dövlət Komitəsindən məlumat verilib.

Bildirildiyinə görə, cəmiyyətin rəhbəri Rövşən Namazov bildirib ki, Diasporla İş üzrə Dövlət Komitəsinin həyata keçirdiyi layihələr, hazırladığı tədris materialları və yaratdığı mədəniyyət mərkəzləri xaricdə yaşayan soydaşlarımızın tarixi Vətənlə əlaqələrinin möhkəmləndirilməsində mühüm rol oynayır. Onun sözlərinə görə, yeni fəaliyyətə başlayan “M.F.Axundov adına Gürcüstan-Azərbaycan Xeyriyyə Cəmiyyəti” də dil kursları, mədəni tədbirlər və gənclərin inkişafına yönəlmiş layihə və təşəbbüslər vasitəsilə Batumidə yaşayan azərbaycanlıların bir araya gəlməsinə, milli-mənəvi dəyərlərin qorunmasına və milli şüurun güclənməsinə töhfə verəcək.

Rövşən Namazov vurğulayıb ki, cəmiyyətin fəaliyyəti yalnız ana dilinin və milli-mədəni irsin yaşadılması ilə məhdudlaşmayacaq. Təşkilat, eyni zamanda, Batumidə yaşayan soydaşlarımızın sosial-iqtisadi və ictimai həyatda fəal iştirakına, Gürcüstanın çoxmədəniyyətli mühitinə uğurla inteqrasiyasına dəstək göstərəcək.

Cəmiyyətin yaxın dövr üçün hazırladığı fəaliyyət proqramına ana dili ilə yanaşı, gürcü və xarici dillərin tədrisi, Azərbaycanın tarixi və mədəniyyətini tanıdan sərgilərin, ədəbi-bədii gecələrin və milli bayramlara həsr olunan tədbirlərin təşkili daxildir. Bununla yanaşı, regionda yaşayan ehtiyac sahibi soydaşlarımıza və Batumidə təhsil alan azərbaycanlı tələbələrə sosial və mənəvi dəstəyin göstərilməsi də nəzərdə tutulur.

Qeyd olunub ki, bu təşəbbüs Azərbaycan ilə Gürcüstan arasında mövcud olan dostluq və strateji tərəfdaşlıq münasibətlərinin mədəni-humanitar sahədə daha da inkişafına töhfə verəcək. “M.F.Axundov adına Gürcüstan-Azərbaycan Xeyriyyə Cəmiyyəti”nin fəaliyyəti regionda mədəni dialoqun genişlənməsinə və iki xalq arasında əsrlərə söykənən dostluq əlaqələrinin daha da möhkəmlənməsinə xidmət edəcək.

Bu gün Azərbaycan muğam sənətinin “Xan”ı adlandırılan İsfəndiyar Aslan oğlu Cavanşirin anadan olmasından 125 il ötür.

Xan Şuşinski Azərbaycan muğam ifaçılığı sənətinin dərin özüllü sənətkarlarından biri, muğam sənətimizin böyük siması kimi təqdim olunur. O, “muğam ifaçılığının Dədə Qorqudu”, “muğamımızın xanı” adlandırılıb. Xanın repertuarında “Mahur-Hindi”, “Bayatı-Qacar”, “Qatar” muğamları, “Qarabağ şikəstəsi”, “Arazbarı”, “Heyratı” zərbi muğamları ilə yanaşı, xalq mahnıları və təsniflər böyük yer tutub. Xan Şuşinski xalq mahnılarını xüsusi bir şövqlə oxuyub, onları yeni çalarlarla zənginləşdirib.

Görkəmli xanəndənin bir sıra bəstələri də olub. Çox zaman xalq mahnıları kimi təqdim olunan “Qəmərim”, “Şuşanın dağları”, “Ay gözəl”, “Məndən gen gəzmə”, “Al yanağında”, “Dağlarda çiçək”, “Gözəl yarım”, “Ölürəm, a Ceyran bala” mahnılarının müəllifi, əslində, Xan Şuşinskidir. “Şuşanın dağları” mahnısının musiqisi ilə yanaşı, sözləri də onundur.

AZƏRTAC-a təəssüratlarını bölüşən Xan Şuşinski Fondunun prezidenti, muğam ifaçısının qızı Bəyimxanım Cavanşirova-Verdiyeva deyib: “Uşaqlıqdan yaşadığı ailə və mühit atamın şeirə, qəzələ, muğama və musiqiyə böyük maraq göstərməsinə təkan verib. Onların evində tez-tez musiqili məclislər təşkil olunar, dövrün tanınmış sənətkarları, şairləri və musiqiçiləri bu məclislərə dəvət edilərdi. Xan Şuşinskinin səsi zamanının böyük ustadları tərəfindən hər zaman yüksək qiymətləndirilib. Cabbar Qaryağdıoğlu və Seyid Şuşinski onun səsinin bənzərsiz olduğunu vurğulayıblar. Üzeyir Hacıbəyli də Xan Şuşinskinin sənətinə böyük dəyər verib. Hətta vaxtilə atamı vokal sənətinin incəliklərini öyrənmək üçün İtaliyaya göndərmək istəyiblər. Lakin o, bu məsələdə atasının məsləhətini alıb. Atasının tövsiyəsindən sonra Xan Şuşinski xaricdə təhsil almaq fikrindən daşınaraq bütün yaradıcılıq ömrünü sevdiyi muğam sənətinə həsr edib”.

B.Cavanşirova-Verdiyeva bildirib ki, Xan Şuşinski bir sıra aşıq mahnılarını işləyərək onları xalq mahnısı formasına salıb. Gənclik illərində Tbilisidə keçirilən Zaqafqaziya festivallarında dəfələrlə birinci yeri tutaraq Qran-Pri mükafatlarına layiq görünüb.

“Xan Şuşinski sənət dünyasında bir çox ilklərə imza atıb. O, ilk dəfə simfonik orkestr və xalq çalğı alətləri orkestrinin müşayiəti ilə muğam ifa edən sənətkardır. Azərbaycan musiqi mədəniyyəti tarixində qadın xanəndə ilə duet oxuyan ilk sənətkar da məhz Xan Şuşinski olub. Onun Sara Qədimova və Şövkət Ələkbərova ilə ifa etdiyi duetlər Azərbaycan Radiosunun Qızıl Fondunda nəfis nümunələr kimi qorunub saxlanılır”, - deyə xanəndənin qızı əlavə edib.

Onun sözlərinə görə, Xan Şuşinski ilk dəfə Xankəndidə “Qarabağ” adlı ansambl yaradıb. Xan Şuşinski 1943-cü ildə, 42 yaşında Əməkdar artist fəxri adı almadan birbaşa Azərbaycan SSR Xalq artisti fəxri adına layiq görülüb. Görkəmli xanəndə 1979-cu il martın 18-də vəfat edib. Azərbaycan musiqi tarixinin korifeyi Xan Şuşinskinin səsindən yadigar kimi cəmi 240 dəqiqəlik lent yazısı qalıb.

Qərinələr, əsrlər ötəcək, ancaq Xan əminin sənətinə olan sevgi heç vaxt azalmayacaq. Ona görə ki, bu sevginin mayasında, ruhunda Azərbaycanın heç vaxt təravətini itirməyən əbədi və əzəli muğamları dayanır. Onun yaratdığı ölməz sənət əsərləri Azərbaycan musiqisinin ən dəyərli inciləri kimi əsrlər boyu yaşayacaq, öz müəllifini hər zaman yaşadacaq, onu unudulmağa qoymayacaq.

Maestro Niyazi Azərbaycan bəstəkarlarının bir çox simfonik və musiqili səhnə əsərlərinin kantata və oratoriyalarının ilk ifaçısı olmaqla yanaşı, bu əsərlərin təqdimatında özünəməxsus orijinal ifaçılıq üslubu yaradıb. Azərbaycan milli dirijorluq məktəbinin formalaşması onun adı ilə bağlıdır. Bəli, maestro Niyazinin traktirovkasında milli bəstəkarların bir çox əsərləri, o cümlədən Üzeyir Hacıbəylinin “Koroğlu” operası Azərbaycan musiqisinin qızıl fonduna daxil edilib.

Bu gün dünyaşöhrətli dirijor, bəstəkar, ictimai xadim, SSRİ Xalq artisti, Sosialist Əməyi Qəhrəmanı Niyazi Tağızadə-Hacıbəyovun anadan olmasından 114 il ötür.

Niyazi 1930-cu illərin əvvəllərində ilk əsəri olan “Od içində” fortepiano poemasını, daha sonra “Talış xalq mahnıları” mövzusunda fortepiano pyeslərini, Azərbaycanın ilk simfonik əsərlərindən olan “Zaqatala süitası”nı yazdı.

Dirijorluq fəaliyyəti Niyaziyə elə gənc yaşlarından şöhrət gətirməyə başladı. 1946-cı ildə gənc dirijorların baxış müsabiqəsinin laureatı adını qazanan maestro 1949-cu ildə ən məşhur əsərini - “Rast” simfonik muğamını nota alıb. İlk dəfə xarici ölkəyə 1951-ci ildə “Praqa baharı” festivalında iştirak etmək məqsədilə gedən Niyazi ömrünün sonunadək 23 ölkədə qastrol səfərində olub.

Niyazinin mənzil-muzeyinin müdiri, Əməkdar mədəniyyət işçisi Rza Bayramov maestro haqqında fikirlərini bölüşərək deyib: “Niyazi Azərbaycan bəstəkarlarının, demək olar ki, bütün simfonik əsərlərinin ilk təfsirçisi olub. O, Azərbaycan bəstəkarlarının böyük bir nəslinin yetişib formalaşmasına əvəzsiz töhfələr verib. Bir çox bəstəkar Niyazi məktəbi keçib və bu, onların yaradıcılıq inkişafında, dünyagörüşünün və estetik zövqünün formalaşmasında mühüm rol oynayıb. Azərbaycan professional dirijorluq məktəbinin formalaşması və inkişafı məhz Niyazinin adı ilə bağlıdır”.

Rza Bayramovun sözlərinə görə, bir bəstəkar kimi milli simfonizmin təşəkkülü və inkişafında da Niyazinin xidmətləri böyükdür. Bu baxımdan onun ən məşhur əsərlərindən “Rast” simfonik muğamını, “Xosrov və Şirin” operasını və “Çitra” baletini xüsusi qeyd etmək lazımdır. Niyazi, eyni zamanda, bir çox simfonik və kamera-instrumental əsərlərin, mahnı və romansların müəllifidir.

Niyazinin bəstəkarlıq fəaliyyətindən danışan Rza Bayramov deyib ki, onu Azərbaycan kino musiqisinin, eləcə də dram tamaşaları üçün yazılmış musiqi əsərlərinin müəllifi kimi də xatırlamaq lazımdır: “O, bu sahədə fəaliyyət göstərən ilk bəstəkarlarımızdan biri olub.

Niyazi kimi sənətkarları tarix tək-tək yetirir. Belə sənətkarlar haqlı olaraq xalqın qüruruna çevrilirlər. Xalqımız belə böyük sənətkarla həmişə fəxr edəcək. Biz də onun adını daşıyan muzeyin əməkdaşları olaraq Niyazinin əziz xatirəsini daim yaşadacağıq”.

Bu gün Niyazinin adı dünyaşöhrətli dirijorlarla, bəstəkarlarla qoşa çəkilir. Onun yaradıcılığı əsl örnəkdir. Hələ neçə-neçə nəsillər Niyazi məktəbindən bəhrələnəcək. Hamının da ürəyindən bu fikir keçəcək - ruhun şad olsun, ustad!

Jurnalist ömrü, mənə görə, hadisələrin və insanların içində özünü unudaraq başqalarının həqiqətini axtarmaq sənətidir. Bu peşəni seçənlər üçün zaman anlayışı adətən adi insanlardan fərqli olur; onlar üçün vaxt saatlarla deyil, "xəbər çıxarıldı" anları ilə ölçülür. Jurnalist həyatının böyük bir hissəsi həqiqətin izi ilə keçir. Bu ömür insana sakit və rahat həyat vəd etmir. Lakin bu həyat yolu bir insanın dünyanı anlamaq, dəyişdirmək və cəmiyyətə xidmət etmək üçün seçə biləcəyi ən şərəfli və həyəcanlı yollardan biridir.
Jurnalistlər hər zaman yoldadırlar. Onlar təkcə coğrafi məsafələri deyil, insan talelərini, cəmiyyətin ağrılarını və sevincini qət edirlər. Jurnalistika yolunda özünəməxsus izi olan Ayətxan Ziyadın keçdiyi həyat və yaradıcılıq yolu bu mənada xüsusilə fərqlənir.
Müasir Azərbaycan publisistikasının, hərbi jurnalistikasının və akademik-elmi tədqiqatçılıq məktəbinin tanınmış nümayəndəsi, yazıçı-jurnalist, tədqiqatçı Ayətxan Ziyadın (İsgəndərov) 75 illik yubileyi məhz belə şərəfli, mənalı və mübariz bir ziyalı ömrünün təntənəsidir.

Aynurə Əliyeva
ADPU Elmi-Tədqiqat Mərkəzinin elmi işçisi, Filologiya fakültəsinin müəllimi

Avqustun 19-da Mədəniyyət Nazirliyinin təşkilatçılığı ilə Milli Kitabxanada yazar və naşirlərlə görüş keçirilib.

Bu barədə nazirlikdən məlumat verilib.

Bildirilib ki, görüşdə Mədəniyyət Nazirliyi tərəfindən nəşrlərin satın alınması müsabiqəsinin nəticələri, oktyabr ayında keçiriləcək XII Bakı Beynəlxalq Kitab Sərgisi və kitabxana sahəsində aparılan islahatlar müzakirə olunub.

Mədəniyyət nazirinin müavini Fərid Cəfərov bildirib ki, Nəşr planının tərtibi və nəşriyyat məhsullarının satın alınması üzrə Komissiya tərəfindən nəşrlərin satın alınması şəffaf şəkildə həyata keçirilir. Kitabxana fondlarında az olan uşaq ədəbiyyatı, eləcə də akademik və elmi-kütləvi nəşrlərin sayının artırılmasına üstünlük verilir.

Qeyd olunub ki, oktyabrın 21-dən 27-dək keçiriləcək XII Bakı Beynəlxalq Kitab Sərgisi uşaqlara ithaf olunacaq. Builki sərgi “Həyat ekrandan böyükdür: bir uşaq, bir kitab, bir gerçək dünya” şüarı ilə təşkil ediləcək. Sərgidə iştirakla bağlı qeydiyyat sentyabr ayınadək davam edəcək.

Kitabxana sahəsində həyata keçirilən islahatlar barədə danışan Fərid Cəfərov qeyd edib ki, məqsəd kitabxanalarda xidmət səviyyəsinin müasir dövrün tələblərinə uyğunlaşdırılması, oxucuların kitaba əlçatanlığının təmin olunmasıdır.

Naşir və yazarlar çıxışlarında kitabxana sahəsində aparılan təkmilləşdirmənin əhəmiyyətini vurğulayıb, prosesə dəstəklərini ifadə ediblər.

Çingiz Abbasov
"Tovuz" Xeyriyyə Cəmiyyətinin sədr müavini

Qida zəncirində təhlükəsizliyin təmin olunması və əhalinin sağlamlığının qorunması üçün heyvan kəsimi mütləq baytarlıq nəzarəti altında aparılmalıdır. Kəsimə yalnız sağlamlığı əvvəlcədən təsdiq edilmiş heyvanlar cəlb oluna bilər. Bəzən isə bunun əksi olan hallarla rastlaşırıq. Nəticədə insan sağlamlığı üçün risk yaradan xoşagəlməz hadisələr baş verə bilər. Bəs, bu risklər və təhlükələr hansılardır?

Azərbaycan Qida Təhlükəsizliyi Agentliyinin İnformasiya təminatı və innovativ həllər şöbəsindən Heyvanlar arasında yayılan və insan sağlamlığı üçün ciddi təhlükə yaradan zoonoz xəstəliklərdən biri də qarayaradır. Xəstə və ya xəstəlik şübhəsi olan heyvanların kəsilməsi, onların ətinin və subməhsullarının (daxili orqanlarının) satışa çıxarılması yolverilməzdir. Bu cür heyvanların ətinin satışa çıxarılması qanunvericiliyin tələblərinə zidd olmaqla yanaşı, ciddi sanitariya-epidemioloji risklər yaradır. Sahibkarlar xəstəlik əlamətləri müşahidə olunan heyvanları kəsməməli, satışa təqdim etməməli və bu barədə dərhal aidiyyəti qurumlara məlumat verməlidirlər. Bir heyvanın sağlamlığına laqeyd yanaşmaq insanların sağlamlığını risk altına qoya bilər.

“Unutmayaq ki, qarayara xəstəliyinin törədicisi torpaqda uzun müddət yaşamaq qabiliyyətinə malikdir. Bu səbəbdən xəstə heyvanın öldüyü və ya kəsildiyi ərazi 50 ilədək insanların və heyvanların yoluxmasına səbəb ola bilər”, - deyə məlumatda vurğulanıb.