Birinci pilləkan onuncu, yüzüncü pilləkanın başlanğıcıdır. Birinci pilləkan, eyni zamanda özüldü, təməli, idrakdı, iradədi. Qalxmaq, ucalmaq, irəli getmək, fərqlənmək üçün iradə, idrak mütləqdir. Bu gün teleməkan bolluğunu yaşayan ölkəmizdə izləyici, tamaşaçı kütləsinin zövqünu ram etmək, keyfiyyət baxımından fərqlənmək çətin olsa da, hazırda bir yaşını qeyd eləyən TV 1 televiziyası bunu artıq bacarıb.
Düz bir il əvvəl mavi efir-ekranı, peşəkar kollektivi, zövq oxşayan verilişləri, mədəni-etik davranışlı natiq aparıcıları ilə tamaşaçıların görüşunə gələn TV 1 ilin hesabatında yüksək göstəriciləri ilə yadda qalıb desək, heç də səhv etmərik. Qısa müddətdə coxsaylı tamaşaçı auditoriyasının məhəbbətini qazanmaq özü-özlüyundə əldə olunan yüksək nailiyyətin bariz nümunəsidir.
Bütün bunları əsas tutaraq "atributinfo.az" sözugedən televiziyanın texniki və yaradıcı kollektivini BİR yaşı münasibətilə təbrik edir, coxsaylı tamaşaçı sevgisi və uzunömürlü olmalarını arzulayır! Yaşınız mübarək dəyərli TV 1-çilər!

Bəradər Səməndərli
Baş redaktor