16 may 10:20yazarlar

Bolqarıstan KİV-lərində Şuşanın işğalı ilə bağlı silsilə xəbərlər dərc olunub

Bolqarıstan KİV-lərində Şuşanın işğalı ilə bağlı silsilə xəbərlər dərc olunub Bolqarıstanın aparıcı KİV-lərində Şuşa şəhərinin Ermənistan silahlı qüvvələri tərəfindən işğalının 28-ci ildönümü ilə əlaqədar silsilə məqalə və məlumatlar yayımlanıb.
Şuşa şəhərinin işğalın ildönümü ilə əlaqədar Azərbaycanın Bolqarıstandakı səfiri Nərgiz Qurbanova tərəfindən Bolqarıstan KİV-lərinə müraciət ünvanlanıb. Müraciət müxtəlif adlar altında Bolqarıstan Milli Radiosunun, "Fokus” xəbər agentliyinin, "Kırcaalihaber” qəzetinin, Fakti.bg, Novini247.com, Novinata.bg, 5gmedia.bg, İskra.bg internet portallarının, Blacksea-caspia.eu və Svobodennarod.eu internet səhifələrində çap olunub.
Müraciətdə Şuşa şəhərinin yaranma tarixindən bəhs olunaraq onun Azərbaycan musiqisinin və mədəniyyətinin beşiyi və Qarabağın incisi adı ilə Orta Asiya və Orta Şərqdə tanındığı qeyd olunur. 18-ci əsrin ortalarından 1822-ci ilədək Qarabağ xanlığının paytaxtı olan şəhərin, eyni zamanda Azərbaycan xalçaları, ipəkləri, parçaları və çini qabları ilə dünya bazarında böyük populyarlıq qazandığı bildirilir.
Qarabağ xanlığının son hökmdarı Mehdiqulu xanın qızı Xurşidbanu Natəvan haqqında məlumat verilən müraciətdə Qarabağ xanlığına səfəri zamanı A.Duma ilə Natəvanın şahmat oynamasına diqqət çəkilir. Ardınca vurğulanır ki, Şuşadan olan bəstəkarların, musiqiçilərin, sənətkarların və yazıçıların nəsilləri bu mədəniyyət məbədinə "Qafqazın konservatoriyası” adı vermişlər. Parlaq, rəngarəng dizaynları, yerli Qarabağ atları, qədim məscidləri, sarayları və görkəmli memarlığı ilə seçilən Şuşa şəhəri Azərbaycan mədəniyyətinə verdiyi töhfə sayəsində 1977-ci ildə Dövlət Tarix-Memarlıq Qoruğu elan olunub.
Şuşanın 28 ildir Ermənistan silahlı qüvvələri tərəfindən işğal olunduğu qeyd olunmuş müraciətdə bildirilir ki, işğal nəticəsində şəhər və rayonun 30 kəndi dağıdılmış, 195 nəfər dinc sakin həlak olmuş, 165 nəfər yaralanmış, 58 nəfər itkin düşmüş, 24 mindən çox əhali isə etnik təmizləməyə məruz qalmışdır. Eyni zamanda, mədəniyyət və tarixi abidələrin dağıdılması, məbəd və məscidlərin vandalizmə məruz qalması haqqında ətraflı məlumat verilir.
Vurğulanır ki, beynəlxalq birlik, BMT Təhlükəsizlik Şurasının 4 qətnaməsində əks olunduğu kimi, Azərbaycana qarşı hərbi güc tətbiq edilməsini və onun ərazilərinin işğalını qəti şəkildə qəti şəkildə qınamışdır. Beləliklə, Azərbaycanın suverenliyini və ərazi bütövlüyünü pozan hər hansı bir hərəkəti rədd etmiş və bu cür hərəkətlər nəticəsində yaranan vəziyyətin qanuniliyini tanımaqdan imtina edib. Mayın 8-də Ermənistan siyasi rəhbərliyinin qondarma "Qələbə Günü” qeyd etmək üçün Şuşaya mütəmadi səfərləri isə İkinci Dünya Müharibəsi illərində nasistlərin Avropa şəhərlərini işğal etməsi kimi xatırlanır. Əlavə olunur ki, həmin hal Avropa İttifaqının tərəfdaş ölkəsi olan Ermənistanın hələ də tətbiq etdiyi nifrət və ksenofobiya siyasətinin yolverilməzliyi barədə sivil dünyaya çirkin bir xatırlatmadır. Sonda vurğulanır ki, beynəlxalq ictimaiyyət Ermənistanın beynəlxalq öhdəliklərinə ciddi şəkildə əməl etməsini təmin etmək və bu ölkədən işğala, habelə Azərbaycan ərazilərinin demoqrafik, iqtisadi, sosial və mədəni xüsusiyyətlərini dəyişdirməyə son qoymağı tələb etmək məsuliyyəti var. Sayı 1 milyondan çox olan azərbaycanlı məcburi köçkünlərin qarşısında beynəlxalq aləm öhdəlik daşıyır.
"Azərbaycan Respublikasının Dağlıq Qarabağ bölgəsinin azərbaycanlı icması”nın üzvü Aybəniz İsmayılovanın müəllifi olduğu məqalə isə "Aybəniz İsmayılova: Şahzadə Natəvanın narahat ruhu hüzur tapanadək xəyallarımızda gəzməyə davam edəcək və Şuşaya qayıdacaq” adı altında Bolqarıstanın nüfuzlu "Fokus” xəbər agentliyinin və "Bürünc qadının xəyalı” sərlövhəsi ilə "Kırcaalihaber” qəzetinin internet səhifəsində yayımlanıb.
Məqalədə Şuşa şəhərinin əsasının qoyulması, bölgənin əhəmiyyətli siyasi, iqtisadi və mədəni mərkəzə çevrilməsi haqqında məlumat verilir və buradan çoxsaylı Azərbaycan şairləri, yazıçıları, musiqiçiləri, aktyorları və ziyalılarının çıxdığı qeyd olunur. "Xurşidbanu” təxəllüsü ilə tanınan şahzadə Natəvanın obrazı üzərində qurulmuş məqalədə şairin kiçik, lakin möhtəşəm şəhərin mədəni irsini daha da zənginləşdirdiyi, onun istedadı, qüsursuz zövqü və xalqına olan böyük qayğısı ilə fransız həmkarı Aleksandr Dumanı valeh etdiyi qeyd olunur. Ardınca təəssüf hissi ilə bildirilir ki, 1992-ci ildə Ermənistan silahlı qüvvələri tərəfindən Azərbaycanın Dağlıq Qarabağ bölgəsinin işğalı zamanı Natəvanın Ev muzeyi, onun himayəsi altında qurulmuş bulaq və bütün digər abidələr dağıdılıb. Ermənistan silahlı qüvvələri Gəncə darvazasını, Pənahəli xanın qala və kitabxanasını, 19-cu əsr Gövhərağa məscidini, Karvansarayı və 5 min eksponatdan çox kolleksiyaya malik Şuşa Muzeyini viran qoyub.
Məqalədə beynəlxalq birlik tərəfindən işğal altındakı Qarabağ bölgəsinin Azərbaycan Respublikasının beynəlxalq səviyyədə tanınan ərazisi kimi qəbul olunduğu vurğulanmaqla artıq 30 ildir ki, azərbaycanlıların təməl insan hüquqlarından istifadə edərək vətənlərinə qayıda bilmədikləri bildirilir. Həmçinin, "Xanqızı”nın güllələnmiş abidəsinin sökülərək Gürcüstanda satılmasından və Brüsselin Vaterloo şəhərindəki Natəvanın abidəsinin təhqir olunmasından ətraflı məlumat verilib.
Sənətşünaslıq üzrə fəlsəfə doktoru, Əməkdar mədəniyyət işçisi, Azərbaycan Musiqi Mədəniyyəti Muzeyinin direktoru Alla Bayramovanın müəllifi olduğu "Azərbaycanın Şuşası - bürüncdən daha davamlıdır” adlı məqalə nüfuzlu "Standart” qəzetinin və Novini247.com portalının internet səhifəsində yayımlanıb. Məqalədə mayın 8-də Avropanın nasizm üzərində qələbəni qürurla qeyd etdiyi dövrdə Azərbaycan xalqının 1992-ci ildə Ermənistan silahlı qüvvələri tərəfindən işğal edilmiş Şuşa şəhərinin taleyindən kədərləndiyi qeyd olunur. Tarixi Azərbaycan şəhərinin xalqımızın elmi həyatında oynadığı böyük rola diqqət yetirilir və Azərbaycan xalqının poeziyası, mədəniyyəti və musiqisindəki mövqeyi vurğulanır. Qeyd olunur ki, Şuşadan olan bəstəkarların, sənətkarların, musiqiçilərin və yazıçıların nəsilləri bu mədəniyyət məbədinə "Qafqaz Konservatoriyası” adını qazandırıb. Bu gözəl guşədə ənənəvi Azərbaycan vokal və instrumental sənət janrı olan muğamın aparıcı məktəblərindən biri formalaşmışdır.
Ardınca şəhərin Ermənistan silahlı qüvvələri tərəfindən işğal nəticəsində dəymiş maddi və mənəvi dağıntılar haqqında məlumat verilir. Qeyd olunur ki, Azərbaycan Dövlət Musiqi Mədəniyyəti Muzeyinin kolleksiyalarında Şuşa şəhəri ilə bağlı çoxlu materiallar mövcuddur. Onlar Şuşadan olan fotoşəkillər, şəxsi əşyalar, sənədlər, musiqi alətləri, əlyazmalar, məktublar, səs qeydləri, kitablar və s. ehtiva edir. Görkəmli musiqiçilərdən bəhs edən materiallardan söhbət açılır və Üzeyir Hacıbəyli başda olmaqla, Xurşidbanu Natəvan, Bülbül, Mirzə Sadıq Əsədoğlu, Cabbar Qaryağdıoğlu, Xan Şuşinski, Seyid Şuşinski və digərləri barədə məlumat verilir. Şuşa və bütövlükdə Qarabağın Azərbaycanın ayrılmaz tərkib hissəsi olması vurğulanan məqalə Azərbaycan Prezidenti İlham Əliyevin "Qarabağ Azərbaycandır və nida işarəsi” ifadəsi ilə tamamlanır.
Eyni zamanda, "Fokus” xəbər agentliyinin "Dünya tarixdə bu gün” seriyasında 8 may tarixinə olan məlumatda da Şuşa şəhərinin işğalına yer verilir. 1992-ci ildə Azərbaycanın tarixi Şuşa şəhərinin Ermənistan Respublikasının silahlı qüvvələri tərəfindən işğal edildiyi qeyd olunaraq işğalın ağır nəticələri sadalanır. Məlumatda "Azərbaycan musiqisinin beşiyi” və "Qafqaz konservatoriyası” kimi təqdim olunan Şuşa şəhərinin işğalı nəticəsində Azərbaycan xalqının maddi, mədəni və mənəvi irsinə ağır zərbə vurulduğu bildirilir.
Whatsapp-da paylaş
SON XƏBƏRLƏR
Nazirlik növbəti 190 manat yardım söhbətinə aydınlıq gətirdi 12:27ABŞ-da 200-dən artıq neft şirkəti müflis oldu: 70 min insan işsiz qaldı 12:23Tələbələrə ŞAD XƏBƏR! - İmtahanlarda bu güzəştlər ediləcək 12:21Karantin cərimələri tutulmağa başladı - Maaş, pensiya, əmlaka həbs... 12:16Estoniya prezidenti İlham Əliyevi təbrik etdi 12:12Adil Əliyev: Ermənistanın heç bir mənəvi haqqı yoxdur 12:08Çimərliklərdən İSTİFADƏ ŞƏRTLƏRİ açıqlandı: ailənizlə getsəniz... 12:04Siyasi rəqibi Trampı axmaq adlandırdı 11:56Ata dilənmək istəməyən oğlunu bıçaqladı - Rəsmi açıqlama 11:52“Sevilya” türkiyəli ulduza 12 milyon avro ödəməyi planlaşdırır 11:49Milli Məclis deputatların maaşı ilə bağlı məlumatlara münasibət bildirib - MƏBLƏĞLƏR 18:48Bakı-Şamaxı yolunda ağır qəzada ÖLƏNLƏRİN ADLARI - RƏSMİ 14:53Mənşəyi məlum olmayan 70 kilo ət aşkar edildi 14:51ÜST-dən Azərbaycanla bağlı CİDDİ XƏBƏRDARLIQ 14:48"Bu baxımdan Şamaxı birinci şəhərdir" - Prezident 14:44"Söyüş söyənlərin başında Əli Kərimli dayanır" - Adil Əliyev 14:39Türküyə körpüləri Azərbaycan bayrağına bürüyəcək 11:47Restoran və kafelər açılır: Sahibləri narazılıq edir 11:43Bu şəxslərə hər ay 800 manat ödəniləcək - QƏRAR 11:40Azərbaycanda havanın temperaturu iqlim normasından aşağı düşdü 11:37Qadından qonaq getdiyi evdə BİABIRÇI HƏRƏKƏT 11:33Azərbaycanda dəhşətli qəza: Beş nəfər öldü, yaralılar var 11:30"Belə getsə, pandemiya daha da artacaq!" — Professordan XƏBƏRDARLIQ 11:26Ekoloji problemlərin həlli sahəsində keçirilən tədbirlər bu sahənin ölkəmizdə prioritet məsələlər sırasına qaldırılmasının parlaq nümunəsidir. 11:22Allahın mübarək günündə dünyaya xoş gəlmisən! 20:22Milli Məclisdə insan alverinə qarşı mübarizəylə bağlı illik hesabat qəbul edildi 17:07Ruhu azad olan bir millət 17:00Azadlıq təşnəsi 16:55Sahibkarlara dövlət qayğısı 16:52Onlar tarixi xidmətlər göstəriblər 16:49Cümhuriyyət qurucularının layiqli varisləri 16:47Abşeronda it dişləyən kişi ölüb 12:58Hollivud ulduzları sosial şəbəkədən 1 günlük imtina edəcəklər 12:55Hulusi Akar: “İraqın və Suriyanın şimalında 1458 terrorçu zərərsizləşdirilib” 12:52Bakıda karantin qaydalarını pozan restoran aşkarlanıb 12:50Türkiyədə Azərbaycan kapitalı ilə qeydiyyata alınan şirkətlərin sayı azalıb 12:47Azərbaycan və Türkiyə Prezidentləri arasında telefon danışığı olub 12:43Şəkidə 1 tondan artıq narkotik tərkibli bitki məhv edilib 12:40Daha bir çempionat təxirə salınıb 12:38"Qapalı yerlərdə maskadan istifadə etməyənlər cərimələnməlidir" 12:34Təlimlərdə Azərbaycan Ordusu döyüş təcrübəsini artırıb 12:31Arzu edirəm ki, Azərbaycanın müstəqil dövlətçiliyi daimi olsun 23:19Prezident İlham Əliyev Azərbaycan xalqını təbrik edib 12:17Uca Allahdan arzu edirəm ki, növbəti Ramazan ayını işğal olunmuş torpaqlarımızda keçirək 12:17Uca Tanrı hər kəsin ibadətini, istəyini və dualarını qəbul etsin! 12:15Adil Əliyev seçicilərin növbəti qəbulunu keçirib 15:08Koronavirusa yoluxan Kadırovun vəziyyəti ağırlaşdı 12:57Kamran Əliyevdən sürücülərlə bağlı MÜHÜM AÇIQLAMA 12:53“Maaş kart”ları ilə bağlı yoxlamalar başladı – RƏSMİ 12:51BP ən çox neft ehtiyatı olan ölkələri açıqladı – SİYAHI 12:48Azərbaycanda vəzifəli şəxs rüşvət alarkən tutuldu 12:46ABŞ Rusiya və Çinə nüvə sınaqları ilə cavab verə bilər 12:38“Emmi” qazanan Haluk Bilginer İngilis serialında baş rolu canlandıracaq 12:35Bakıda quldurlar taksi sürücüsünə hücum etdi 12:31Tarix də açıqlandı: İyunun 3-də… 12:28Vladimir Putin Azərbaycan Prezidentinə təbrik ünvanlayıb 15:16“Zaqatalanın bu kəndlərində qadınları sünnət edirlər” - İddia 15:13"Ölmək istəmirəm" - Könül Xasıyeva 15:07Azərbaycanda bu şəxslərin maaşları artdı - SİYAHI 14:32“Fermer Kartı”ndan istifadə edənlərin diqqətinə - Xəbərdarlıq edildi 14:24