Sizin reklam burada
Sizin reklam burada

SAATLININ BÖYÜK AĞSAQQALIYDIN

SAATLININ BÖYÜK AĞSAQQALIYDIN Saatlı rayonunda ağır seyyid, ünlü ziyalı, təcrübəli iş adamı, tanınmış xeyriyyəçi, təpədən dırnağa insanlıq nümunəsi, "Əhli-Beyt" aşiqi, sədaqətli dost, el arasında Hacı Mirtaleh kimi tanınan Mirnazim Ağayevin qəfil ölüm xəbəri könül dünyamı alt-üst etdi. Onun ruhuna xitabən qələmə sarıldım!
Səxavət ağacdısa, gövdəsiydin,
Əlsiz-ayaqsızların kölgəsiydin.
Sən Tanrının seçilmiş bəndəsiydin,
Nə yaxşı ki, yaranmışdın, varıydın,
Saatlının böyük ağsaqqalıydın.

Siyahı tutmuşdun yoxsullar üçün,
Yaşamırdın nə dövlət, nə var üçün.
Bundan böyük nə olar dindar üçün,
Ömür pətəyinin xalis balıydın,
Saatlının böyük ağsaqqalıydın.

El-obanın dostuydun, qardaşıydın,
Xeyir-şər məclislərinin başıydın.
Məzlumların sevinci, göz yaşıydın,
Yaddaşlarda əbədi qalmalıydın,
Saatlının böyük ağsaqqalıydın.

Adətən, qış gələndə qar yağardı,
Səməndərli, saçın nə tez ağardı?
Tanrı hökm verdi, əcəl apardı,
Cənnətə getdin, orda olmalıydın,
Saatlının böyük ağsaqqalıydın.

Bərabər Səməndərli

  • Sosial şəbəkədə paylaş
XƏBƏR LENTİ