Dünyaca məşhur müğənnilər İnna və Otilia 31 dekabr Yeni il və Dünya Azərbaycanlılarının Həmrəylik günündə Bakının qonağı olacaqlar. Sənətçilər “JW Marriott Absheron” otelində konsert proqramı ilə çıxış edəcəklər. İnna və Otilia ilə yanaşı gecədə xalq artisti Aygün Kazımova, müğənni Dilarə Kazımova səhnəyə çıxacaq.
Gecənin təşkilatçısı bildirib ki, qonaqları maraqlı sürprizlər gözləyir: “Biletlərimiz artıq məhdud sayda qalıb. Gecə saat 21:00-da başlayıb, 04:00-a kimi davam edəcək. Səhnəyə ilk olaraq Dilarə Kazımova çıxacaq. Daha sonra isə Aygün Kazımova və rumın müğənni Otilia mahnılarını səsləndirəcək. Gecə saat 12-dən sonra isə qoanqlar İnnanın şousunu izləyəcəklər. Daha sonra isə dicey Roşka səhnəyə çıxacaq. Gecənin qonaqları arasında yerli sakinlərlə yanaşı, əcnəbi turistlər də var. Bilet almağa turistlər daha çox maraq göstəriblər. Biletlərimizi şəhərin kassalarından və afişada yazılan nömrələrdən əldə etmək mümkündür”.